រញ្ជួយដីកម្លាំង៦,៩រិច្ឆទ័រ កើតឡើងនៅក្នុងប្រទេសប៉ាពូ ញូហ្គេនៀ (Papua New Guinea) នៅថ្ងៃ សុក្រនេះ ហើយអ្នកភូមិសាស្ត្ររបស់សហរដ្ឋអាមេរិកបានរកឃើញថា រញ្ជួយដីនេះ កំពុង គំរាមកំហែងដោយរលកស៊ូណាមី។
តាមការស្រាវជ្រាវរបស់ក្រុមមន្ត្រីជំនាញបង្ហាញថា ការរញ្ជួយដីនេះកើតឡើង ក្នុងជម្រៅ ១០គីឡូម៉ែត្រ និងនៅក្នុងចម្ងាយ១៦២គីឡូម៉ែត្រពីទីក្រុង រ៉ាបុល។ នេះបើតាមទីភ្នាក់ងារព័ត៌មានAFP។
ការសិក្សារកឃើញថា ការរញ្ជួយដីនេះ កំពុងបង្ហាញសញ្ញារលកស៊ូណាមី តាមរយៈរលក សមុទ្រកម្ពស់០,៣ម៉ែត្រទៅ១ម៉ែត្រ នៅក្នុងសមុទ្រនៅក្បែរៗតំបន់រញ្ជួយដីទាំងនោះ។ ប៉ុន្តែ ថា រលកទាំងនោះនៅកម្រិតទាបនៅឡើយ។
ប្រទេសនេះកាលពីថ្ងៃទី២៦ខែកុម្ភៈកន្លងទៅក៏កើតមានការរញ្ជួយដីកម្លាំង៧,៥រិច្ឆទ័រម្តងរួចមកហើយ ដែលបណ្តាលឲ្យមនុស្សចំនួន១២៥នាក់បានស្លាប់។
