រថយន្តដឹកកម្មករមួយគ្រឿងនៅភាគខាងលិចនៃប្រទេសថៃបានផ្ទុះឆេះនៅយប់ថ្ងៃសុក្រ ហើយបានបណ្តាលឲ្យពលករជនជាតិមីយ៉ាន់ម៉ាចំនួន២០នាក់បានស្លាប់។
តាមសារព័ត៌មានក្នុងស្រុករបស់ថៃបានឲ្យដឹងថា រថយន្តនោះដឹកពលករពីប្រទេសមីយ៉ាន់ម៉ា ដើម្បីយកមកឲ្យធ្វើការនៅរោងចក្រមួយនៅក្បែទីក្រុងបាងកក។ ក្រៅពីអ្នកស្លាប់ចំនួន២០នាក់ នោះគឺមាន២៧នាក់ផ្សេងទៀតបានរងរបួសដោយសារភ្លើងឆេះ។
សម្រាប់អ្នកបើកបរបានថ្លែងថា ដំបូងឡើយមានការចាប់ឆេះពីចំណុចកណ្តាលរថយន្ត ហើយបាន រាលដាលយ៉ាងឆាប់រហ័សដោយមិនបានដឹងមូលហេតុនោះទេ។
កាលពីថ្ងៃទី២១ខែមីនា រថយន្តដឹកភ្ញៀវទេសចរមួយបានរត់ធ្លាក់ ផ្លូវចូលក្នុងជ្រោះ នៅភាគ ខាងជើងប្រទេស បណ្តាលឲ្យស្លាប់១៨នាក់និងរបួស៣៣នាក់។ ក្រោយមកមួយថ្ងៃរថយន្ត ដឹកសិស្សជួបគ្រោះថ្នាក់ក្នុងខេត្តមួយនៅភាគកណ្តាលប្រទេសបណ្តាលឲ្យសិស្សចំនួន៣៣រងរបួស៕