ព្រះមហាក្សត្រយាងទៅធ្វើទស្សនកិច្ចនៅប្រទេសជប៉ុន៤ថ្ងៃ ដើម្បីចូលរួមពិធីសាសនា និងសម្ពោធសមិទ្ធផលមួយចំនួននៅទីនោះ។
ព្រះមហាក្សត្រកម្ពុជា ព្រះមរបនាថ នរោត្តម សីហមុនី យាងទៅប្រទេសជប៉ុនរយៈពេល៤ថ្ងៃ គឺចាប់ ពីថ្ងៃទី០៦ ដល់ថ្ងៃទី០៩ ខែមេសា។
បើតាមហ្វេសប៊ុកលោកនាយករដ្ឋមន្រ្តីបានឲ្យដឹងថា ព្រះមហាសក្សត្រ យាងទៅប្រទេសជប៉ុននោះ គឺដើម្បីចូលរួមពិធីសម្ភោធសាលប្រជុំដ៏ធំមួយនៅជប៉ុន រួមទាំងចូលរួមរំឮកខួបបុណ្យសាសនាព្រះពុទ្ធ នៅទីនោះផងដែរ។
ព្រះមហាក្សត្រយាងទៅប្រទេសជប៉ុនពេលនេះ ស្របពេលដែលជប៉ុនកំពុងជំរុញទៅកម្ពុជាឲ្យរៀបចំការបោះឆ្នោតដោយត្រឹមត្រូវ និងយុត្តិធម៌។
កាលពីខែមីនា ជប៉ុនជាប្រទេសដែលតែងរក្សាភាពស្ងប់ស្ងាត់ចំពោះស្ថានភាពនយោបាយនៅកម្ពុជានោះ បានជំរុញទៅរដ្ឋាភិបាលកម្ពុជាឲ្យរៀបចំការបោះឆ្នោតនៅខែកក្កដាខាងមុខនេះ ប្រកបដោយសេរី និងយុត្តិធម៌ដែលគ្រប់ភាគីអាចទទួលយកបាន។
តាមការចុះផ្សាយរបស់សារព័ត៌មាន Foxnew កាលខែមីនាបានឲ្យដឹងថា ក្នុងដំណើរទស្សនកិច្ចមកកម្ពុជា បេសកជនជប៉ុនគឺលោក Kentaro Sonoura បានប្រាប់រដ្ឋមន្ត្រីក្រសួងការបរទេសលោកប្រាក់ សុខុន ថា រដ្ឋាភិបាលទីក្រុងតូក្យូ ចង់ឃើញការបោះឆ្នោតសេរី និងយុត្តិធម៌នៅកម្ពុជា៕