លោកនាយករដ្ឋមន្ត្រីហ៊ុន សែន បានថ្លែងថា មានតែគណបក្សរបស់លោកទេ ដែលមានបណ្ឌិតច្រើនជាងគេ ហើយថា បក្សផ្សេងៗមិនមានធនធានមនុស្សគ្រប់គ្រាន់សម្រាប់ដឹកនាំរដ្ឋាភិបាលនោះទេ។
នៅក្នុងពិធីមួយនៅព្រឹកនេះ លោកនាយករដ្ឋមន្ត្រីហ៊ុន សែន បានប្រតិកម្មទៅលើបក្សផ្សេងដែលរិះគន់ថា លោកមិនមាន សមត្ថភាពក្នុងការដឹកនាំ អភិវឌ្ឍន៍ប្រទេស។ លោកបន្តថា បើបក្សណាមួយធនធានជា បណ្ឌិតច្រើនឲ្យដាក់ប្រៀប ធៀបជាមួយគណបក្ស លោក។
លោកថ្លែងថា៖« ចង់បញ្ចេញបណ្ឌិតរបស់អ្នក ប៉ុន្មាននាក់មក ចេញមក ហើយខ្ញុំនឹងបញ្ជូនបណ្ឌិតប៉ុន្មាននាក់ ត្រឡប់ ទៅវិញ។ អ្នកអាចរាប់បណ្ឌិតរបស់អ្នកបាន ដោយរៀបតាមម្រាមដៃ ប៉ុន្តែខាងគណបក្សប្រជាជនរាប់ម្រាមដៃរាប់ មិនបានទេ។ គ្រាន់តែនៅលើនេះ មានបណ្ឌិតប៉ុន្មានទៅហើយ? អ្នកត្រូវយល់ មិនទាន់អាចលេងជាមួយ ធនធាន មនុស្សរបស់បក្សប្រជាជនបាននៅឡើយទេ។»
លោកនាយករដ្ឋមន្ត្រីបានប្រតិកម្មទៅហ្នឹងពាក្យគណបក្សប្រជាធិបតេយ្យមូលដ្ឋានដែលសរសេរប្រៀបធៀបថា លោក ហ៊ុន សែន ងាកឆេះ ចំណែកលោក យ៉ង សាំងកុមារ បេក្ខជននាយករដ្ឋមន្ត្រីគណបក្សប្រជាធិបតេយ្យមូលដ្ឋាន ងាក ផ្តល់ចំណេះ។
គណបក្សប្រជាធិបតេយ្យមូលដ្ឋានបង្កើតឡើងដោយក្រុមបណ្ឌិត បញ្ញវន្ត កាលពីឆ្នាំ២០១៥។ ប៉ុន្តែលោកនាយក រដ្ឋមន្ត្រី ហ៊ុន សែន បញ្ជាក់ថា គណបក្សនយោបាយនៅកម្ពុជាទាំងអស់គ្មាន គណបក្សណាមានបណ្ឌិត បញ្ញវន្តជាង គណបក្ស ប្រជាជន របស់លោកនោះទេ។
