យោងតាមអង្គការមូលនិធិសកលសម្រាប់អភិរក្សធនធានធម្មជាតិ(WWF-Cambodia) ឲ្យដឹងថាសត្វផ្សោតឈ្មោលមួយក្បាលបានស្លាប់នៅថ្ងៃពុធម្សិលមិញ ត្រង់ម្តុំអន្លង់កាំពី ក្នុងខេត្តក្រចេះដោយសារតែជាប់មង។ អង្គការនេះបានសរសេរនៅក្នុងគណនីហ្វេសប៊ុក ដោយយោងទៅលើរបាយការណ៍មន្រ្តីអភិរក្សរបស់ខ្លួនដែលរាយការណ៍មកថា អ្នកចម្លងទូកទេសចរបានប្រទះឃើញសត្វផ្សោតនេះស្លាប់។
បើតាមអង្គការ WWF-Cambodia សត្វផ្សោតដែលស្លាប់នេះមានទម្ងន់៩២គីឡូក្រាម និងប្រវែង១៩៤សង់ទីម៉ែត្រ។ អង្គការនេះអំពាវនាវឲ្យប្រជាពលរដ្ឋបញ្ឈប់ជាបន្ទាន់នូវការនេសាទខុសច្បាប់ក្នុងតំបន់អភិរក្សសត្វផ្សោត។ WWW-Cambodia ក៏អំពាវនាវឲ្យអាជ្ញាធរពាក់ព័ន្ធពង្រឹងការអនុវត្តច្បាប់ ក្នុងការការពារនិងអភិរក្សសត្វផ្សោតទន្លេមេគង្គ។
យោងតាមរបាយការណ៍របស់អង្គការ WWF ចេញផ្សាយការពីខែមេសា ឆ្នាំ២០១៨ បានបង្ហាញថា សត្វផ្សោត០២ក្បាលបានស្លាប់ក្នុងឆ្នំ២០១៧ និង០៩ក្បាលបានស្លាប់ក្នុងឆ្នាំ២០១៥។ របាយការដដែលបានរកឃើញថាសត្វផ្សោបានកើនឡើងពី៨០ទៅ៩២ក្បាល៕