សាលារាធានីត្រៀមកម្លាំងជាង៤ ៦០០នាក់សម្រាប់ថ្ងៃបោះឆ្នោត

សាលារាជធានីភ្នំពេញត្រៀមកម្លាំងការពារសន្តិសុខជាង៤ ៦០០នាក់ សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៦ ដែលប្រព្រឹត្តិទៅនៅថ្ងៃទី២៩ខែកក្កដាខាងមុខនេះ។​

អភិបាលនៃគណៈអភិបាលរាជធានីភ្នំពេញ​ លោក ឃួង ស្រេង និង​ លោក ជួន សុវណ្ណ ស្នងការនគរបាលរាជធានី បានចុះពិនិត្យកងកម្លាំងនគរបាលនៅពហុកីឡាដ្ឋានជាតិអូឡាំពិកនៅព្រឹកនេះ ដើម្បីត្រៀមការការពារសន្ដិសុខ សម្រាប់ដំណើរការបោះឆ្នោតក្នុងអណត្តិទី៦។ យោងតាមហ្វេសបុកផេក (Facebook Page)​ របស់រដ្ឋបាលរាជធានីភ្នំពេញ។​

ប្រភពដដែលឲ្យដឹងថា កងកម្លាំងនគរបាលជាតិចំនួន ៤ ​៦២៥នាក់ នឹងដាក់ប្រចាំការនៅតាមគោលដៅ ដើម្បីត្រៀមលក្ខណៈការពារសន្ដិសុខសុវត្ថិភាពដល់ប្រជាពលដ្ឋ ឥស្សរជននយោបាយ បេក្ខជនឈរឈ្មោះបោះឆ្នោត។