កម្លាំងប្រដាប់អាវុធចំនួនជាង២០០នាក់នៅក្នុងខេត្តកំពង់ចាមរៀនពីវិធីសាស្ត្រផ្សេងៗ ហ្វឹកហាត់មេរៀនសម្រាប់ទប់ទល់ និងបង្ក្រាបក្រុមបាតុករដើម្បីការពារសុខសុវត្ថិភាពខេត្ត ស្របពេលការបោះឆ្នោតជិតចូលមកដល់។
យោងទៅតាមទំព័រហ្វេសប៊ុកព័ត៌មានរបស់ស្នងការដ្ឋាននគរបាលខេត្តកំពង់ចាមបានអោយដឹងថា ការហ្វឹកហាត់នេះបានចាប់ផ្តើមនៅថ្ងៃទី២៣ ខែកក្កដា គឺរៀនពីបច្ចេកទេសផ្សេងៗដូចជា របៀបប្រើប្រាស់អាវុធLandផ្សែង របៀបគប់គ្រាប់បែកផ្សែង ការប្រើប្រាស់គ្រាប់បំពងសំឡេងចាប់មុខសញ្ញា រូបភាពប្រក់ខែល ទប់ស្កាត់ហ្វូងបាតុករ និងការប្រើប្រាស់ឡានទឹកផងដែរ។
គួរបញ្ជាក់ឲ្យដឹងដែរថា ក្រៅពីខេត្តកំពង់ចាម ក៏មានខេត្តនានាជាច្រើនទៀត ដែលមានការហ្វឹកហាត់ពីរបៀបបង្រ្កាបកុ្រមបាតុករ។ ស្របពេលនេះផងដែរ រដ្ឋាបាលក្រុងភ្នំពេញក៏បានប្រកាសដាក់កងកម្លាំងនគរបាលជាតិចំនួន៤ ៦២៥នាក់ នៅការពារតាមគោលដៅការិយាល័យបោះឆ្នោត និងជុំវិញបរិវេណការិយាល័យផងដែរ។