គណៈកម្មាធិការជាតិរៀបចំការបោះឆ្នោតអះអាងថា អ្នកទៅបោះឆ្នោតនៅទូទាំងប្រទេសមានប្រមាណពីរ៥០ទៅ៦០% គិតត្រឹមម៉ោង១១ព្រឹក។
អ្នកនាំពាក្យគ. ជ. ប លោក ឌឹម សុវណ្ណារុំ មានប្រសាសន៍ថា របាយការណ៍ដែលលោកទទួលបានពីក្រុមការងារនៅតាមបណ្តាខេត្តគឺប្រជាពលរដ្ឋបានទៅបោះឆ្នោតមានពី៥០ទៅ៦០%។ លោកបញ្ជាក់ថា ក្នុងនោះខេត្តដែលពលរដ្ឋទៅបោះឆ្នោតច្រើនជាងគេគឺ ខេត្តកែប មានចំនួន៧០,៧៣% ខេត្តមណ្ឌលគិរី មាន៧០%និងខេត្តបាត់ដំបង៥៨%។
ការបោះឆ្នោតចាប់ផ្តើមពីម៉ោង៧ព្រឹក រហូតដល់ម៉ោង៣រសៀលថ្ងៃទី២៩ខែកក្កដានេះ។ ចំនួនប្រជាពលរដ្ឋដែលបានចុះឈ្មោះបោះឆ្នោតនៅអាណត្តិនេះមានចំនួនជាង៨លាននាក់។