ការបោះឆ្នោតជ្រើសតាំងតំណាងរាស្ត្របានបញ្ចប់នៅរសៀលថ្ងៃអាទិត្យម្សិលមិញ ហើយសារព័ត៌មានអន្តរជាតិមួយចំនួនបានចុះផ្សាយទាំងចំណុចវិជ្ជមាននិងអវិជ្ជមាន។
សារព័ត៌មាន Russian Times របស់រុស្សីបានចុះផ្សាយកាលពីម្សិលមិញថា វាមានភាពសង្ស័យមួយចំនួនដោយសារតែភាគច្រើននៃអ្នកដែលទៅបោះឆ្នោតទាំងអស់នៅតែបោះអោយលោក ហ៊ុន សែន ជានាយករដ្ឋមន្រ្តី។
ប្រភពដដែលបានបន្តថា មាន២០គណបក្សឈរឈ្មោះក្នុងការបោះឆ្នោតឆ្នាំនេះ ក៏ប៉ុន្តែមិនមានគណបក្សប្រឆាំងដែលស័ក្តិសមដូចអតីតគណបក្សសង្រ្គោះជាតិចូលរួមឡើយ ហើយការបោះឆ្នោតនេះ កើតឡើងទាំងដែលប្រទេសលោកខាងលិចចោទប្រកាន់ថា មិនសេរីនិងយុត្តិធម៌។
សារព័ត៌មានរបស់អង់គ្លេស BBC បានចុះផ្សាយកាលពីម្សិលមិញថា ការបោះឆ្នោតអាណត្តិនេះបញ្ចប់ដោយគ្មានគូប្រជែងត្រឹមត្រូវ ជាមួយនឹងនាយករដ្ឋមន្ត្រី ហ៊ុន សែននោះឡើយ ហើយអ្នកវិភាគបាននិយាយថាចំនួនអ្នកទៅបោះឆ្នោតនេះនឹងជាគន្លឹះនៃការសាកល្បងភាពស្របច្បាប់របស់លោក ហ៊ុន សែន។
សារព័ត៌មានដដែលបានបន្តថា អ្នករិះគន់បានហៅការបោះឆ្នោតនេះថាជា «ការបោះឆ្នោតបោកប្រាស់» ដោយសារគណបក្សសង្រ្គោះជាតិត្រូវបានគេរំលាយ។ ក្នុងនោះ អាមេរិកនិងសហភាពអឺរ៉ុប ក៏បានចោទជាសំនួរផងដែរទៅលើទំនុកចិត្តនៃការបោះឆ្នោតនេះ។
បើតាមការចុះផ្សាយរបស់សារព័ត៌មានរបស់អង់គ្លេស Reuters ដែលចុះផ្សាយកាលពីម្សិលមិញបានអោយដឹងថា គេនឹងតាមដានយ៉ាងជិតដិតជាមួយនឹងចំនួនសន្លឹកឆ្នោតដែលមិនបានការ ដោយសារតែមានប្រជាជនមួយចំនួនត្រូវបានគេប្រាប់អោយទៅបោះឆ្នោត បើមិនដូចនោះទេនឹងត្រូវប្រឈមមុខនឹងបញ្ហាជាមួយនិយោជក និងមន្ត្រីរាជការជាដើម។
ប្រជាពលរដ្ឋមួយចំនួនបានប្រាប់សារព័ត៌មាន Reuters ថា ពួកគេទៅឆ្នោតដើម្បីបានជ្រលក់ទឹកខ្មៅលើម្រាមដៃ ហើយថា សន្លឹកឆ្នោតគេធ្វើឲ្យខូច។
សារព័ត៌មានដដែលបានអោយដឹងថា អាមេរិក នឹងពិចារណាពីជំហានមួយចំនួនដើម្បីឆ្លើយតបនឹងការបោះឆ្នោតអាណត្តិនេះ ដែលគេនឹងមានការរឹតត្បិតទិដ្ឋាការ លើសមាជិករដ្ឋាភិបាលមួយចំនួន ខណៈដែលសហភាពអឺរ៉ុបក៏បានគំរាមកម្ពុជាជាមួយនឹងការដាក់ទណ្ឌកម្មសេដ្ឋកិច្ចផងដែរ។
សារព័ត៌មាន Xinhua របស់រដ្ឋចិនចុះកាលពីម្សិលមិញ សាទរលើជ័យជម្នះលើសលប់របស់គណបក្សប្រជាជនកម្ពុជា។
លោក សុខ ឥសាន បានប្រាប់ Xinhua ថា៖
លោកបានបន្តទៀតថា៖
មិនទាន់មានលទ្ធផលជាក់លាក់ពីចំនួនអាសនៈគណបក្សប្រជាជនទទួលបានឡើយដោយ លទ្ឋផលផ្លូវការរបស់គណកម្មាធិការជាតិរៀបចំការបោះឆ្នោតនឹងប្រកាសនៅពាក់កណ្តាលខែក្រោយ។