ទិន្នន័យនៃគ្រោះថ្នាក់ចរាចរណ៍បានឲ្យដឹង មានមនុស្សស្លាប់៩នាក់ និងរបួស២៦នាក់ កាលពីថ្ងៃទី២៨ និង២៩ ខែកក្កដា ឆ្នាំ២០១៨។
យោងតាមទិន្នន័យរបស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានគឺ នៅថ្ងៃទី២៩ ខែកក្កដា ឆ្នាំ២០១៨ គ្រោះថ្នាក់ចរាចរណ៍កើតឡើងនៅទូទាំងប្រទេសមានចំនួន ១០លើក (យប់៥លើក) ដែលបណ្តាលឲ្យមានមនុស្សស្លាប់៥នាក់ របួសធ្ងន់៦នាក់ របួសស្រាល៣នាក់ ក្នុងនោះមិនបានពាក់មួកពេលគ្រោះថ្នាក់ចរាចរណ៍ ១១នាក់។
បើប្រៀបធៀបនឹងថ្ងៃទី២៨ ខែកក្កដា ឆ្នាំ២០១៨ គឺមានគ្រោះថ្នាក់ចរាចរណ៍កើតឡើងនៅទូទាំងប្រទេសមានចំនួន ១១លើក (យប់៥លើក) ដែលបណ្តាលឲ្យមានមនុស្សស្លាប់៤នាក់ របួសធ្ងន់១៣នាក់ របួសស្រាល៤នាក់ ក្នុងនោះមិនបានពាក់មួកពេលគ្រោះថ្នាក់ចរាចរណ៍ ១៣នាក់។
ទិន្នន័យដដែលបានឲ្យដឹង មូលហេតុដែលបណ្តាលឲ្យមានគ្រោះថ្នាក់គឺបណ្តាលមកពីការបើកបរហួសល្បឿន, ការមិនគោរពសិទ្ធ, ការមិនប្រកាន់ស្តាំ, ការប្រជែងគ្នា និង ងងុយដេក។