អង្គភាពប្រឆាំងអំពើពុករលួយទទួលបានពាក្យបណ្តឹង៤២ក្នុងខែកក្កដា

អង្គភាពប្រឆាំងអំពើពុករលួយបានបង្ហាញរបាយការណ៍ថា ក្នុងខែកក្កដាស្ថាប័ននេះទទួលបានពាក្យបណ្តឹងចំនួន​៤២ ដែលក្នុងនោះ១៩គឺធ្វើឡើងដោយដោយអនាមិកឬ មិនបង្ហាញអត្តសញ្ញាណ។​

ក្នុងសេចក្តីប្រកាសពីលទ្ធផលប្រជុំ​របស់អង្គភាពប្រឆាំងអំពើពុករលួយចេញផ្សាយនៅថ្ងៃទី៣១ខែកក្កដា បានឲ្យដឹងថា ក្រោយពេលទទួលបានពាក្យបណ្តឹងចំនួន​៤២ ក្នុងខែកក្កដា ស្ថាប័ននេះ ក៏បានទាក់ទងទៅកាន់ក្រសួង ស្ថាប័ន និងបុគ្គល ពាក់ព័ន្ធឲ្យធ្វើសេចក្តីបំភ្លឺបានចំនួន​១៨ករណី។​

នៅក្នុងខែកក្កដា អង្គភាពប្រឆាំងអំពើពុករលួយក៏បានទទួលបានការប្រកាសទ្រព្យសម្បត្តិចំនួន២០៧នាក់ ក្នុងចំណោមអ្នកទទួលបានការតែងតាំងថ្មីចំនួន១៩១នាក់។​