រថយន្ដពន្លត់អគ្គីភ័យចំនួន៨៧គ្រឿង ដែលកម្ពុជាបានបញ្ជាទិញពីប្រទេសចិនបានមកដល់កម្ពុជាហើយ ។
យោងតាមបណ្ដាញសង្គមហ្វេសប៊ុករបស់នាយកដ្ឋាននគរបាលបង្ការ ពន្លត់អគ្គីភ័យ និងសង្រ្គោះ អគ្គស្នងការនគរបាលជាតិ បានឲ្យដឹងថា កាលពីម្សិញមិញរថយន្ដពន្លត់អគ្គីភ័យចំនួន៨៧គ្រឿង បានមកដល់ខេត្តព្រះសីហនុហើយ។ តាមប្រភពដដែល រថយន្ដទាំងអស់នោះគ្រោងនឹងប្រគល់ដល់ស្នងការដ្ឋាននគរបាលខេត្ត និងស្រុកមួយចំនួនដែលពុំមានរថយន្ដពន្លត់អគ្គីភ័យ។
កម្ពុជាបានបញ្ជាទិញរថយន្ដពន្លត់អគ្គីភ័យចំនួន២០០គ្រឿងពីប្រទេសចិន ក្នុងនោះ ១១៣គ្រឿងបានបញ្ជូនមកកាលពីឆ្នាំ២០១៦ រហូតដល់ឆ្នាំ២០១៨នេះទើបបង្រ្គប់បានចំនួន២០០គ្រឿង។