ហ្វីលីពីន អបអរសាទរជាមួយកម្ពុជាចំពោះភាពជោគជ័យនៃការរៀបចំការបោះឆ្នោតជ្រើសតាំងតំណាងរាស្រ្តអាណត្តិទី៦។
យោងតាមសេចក្តីប្រកាសព័ត៌មានរបស់ក្រសួងការបរទេសហ្វីលីពីនដែលចេញកាលពីម្សិលមិញនេះ ប្រទេសនេះលើកឡើងថាខ្លួនត្រៀមខ្លួនរួចរាល់ហើយក្នុងការធ្វើការជិតស្និតជាមួយនឹងរដ្ឋាភិបាលដែលទើបតែជាប់ឆ្នោតនេះ ហើយក៏សាទរជាមួយកម្ពុជាផងដែរដែលរៀបចំការបោះឆ្នោតមួយប្រកបដោយជោគជ័យ។
ហ្វីលីពីននៅតែប្តេជ្ញាធ្វើការ ជាមួយកម្ពុជាដើម្បី លើក កំពស់មិត្តភាព និង ពង្រឹងកិច្ចសហប្រតិបត្តិការជាលក្ខណៈទ្វេភាគី តំបន់ និង អន្តរជាតិ
រដ្ឋលេខាធិការក្រសួងការបរទេសហ្វីលីពីនលោក Alan Peter S. Cayetano
តាមសេចក្តីប្រកាសព័ត៌មានដដែល ការបោះឆ្នោតកាលពីថ្ងៃអាទិត្យទី២៩កក្កដាទៅ ហ្វីលីពីន មើលឃើញថាបានប្រព្រឹត្តទៅដោយរលូន ប្រកប ដោយសន្តិភាព និង គ្មានភាពហឹង្សាណាកើតឡើងឡើយ។
ក្រៅពីហ្វីលីពីន ប្រទេសមួយចំនួនទៀតរួមមានចិន ឡាវ និង វៀតណាម ក៏បានប្រកាសគាំទ្រការបោះឆ្នោតនេះដែ៕
