បុរសជនជាតិចិន ៦នាក់ ត្រូវបានអាជ្ញាធរខេត្តព្រះសីហនុ ចាប់ខ្លួនរួមជាមួយខិតប័ណ្ណជាច្រើនសន្លឹក កាលពីយប់ថ្ងៃទី១២ សីហា ដោយសមត្ថកិច្ចសង្ស័យថា ក្រុមជនជាតិចិនទាំងនោះ បង្កប់សេវាកម្មជួញដូរផ្លូវភេទនៅក្នុងសេវាម៉ាស្សា។
យោងទៅតាមវេបសាយអគ្គស្នងការដ្ឋាននគរបាលជាតិ កម្លាំងនគរបាលខេត្តព្រះសីហនុ បានបង្ក្រាបជនជាតិចិនទាំង ៦នាក់នោះ ក្រោយពីការតាមឃ្លាំមើល។
ដោយបានដកស្រង់សម្ដីស្នងការនគរបាលខេត្តព្រះសីហនុ លោក ជួន ណារិន្ទ វេបសាយនគរបាលជាតិ បានចុះផ្សាយបន្តថា ក្រោយពីបានហៅអ្នកជំនាញមកបកប្រែ ភាសាចិនដែលសរសេរក្នុងខិតប័ណ្ឌនេះ វាមានន័យត្រឹមតែជាសេវាកម្មម៉ាស្សាប៉ុណ្ណោះ។
លោក ជួន ណារិន្ទ បានបន្តថា សមត្ថកិច្ចបានធ្វើការអប់រំ និងបានឲ្យបុរសជនជាតិចិនទាំង ៦នាក់ ធ្វើកិច្ចសន្យាបញ្ឈប់សកម្មភាពផ្សព្វផ្សាយនេះ៕
