អភិបាលកិច្ច

រដ្ឋាភិបាលគ្រោងចំណាយជិត១០លានដុល្លារសម្រាប់ធ្វើជំរឿនឆ្នាំក្រោយ

លោក ហ៊ុន សិរីវឌ្ឍន៍
| ១៤ សីហា ២០១៨
ម៉ោង ១៧:០៣

រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ លោក ស ខេង

រដ្ឋាភិបាលកម្ពុជាគ្រោងចំណាយថវិការជិត១០លានដុល្លារដែលជាថវិការផ្ទាល់របស់រដ្ឋសម្រាប់ធ្វើជំរឿនប្រជាពលរដ្ឋនៅឆ្នាំក្រោយ។

យោងតាមគេហទំព័រអគ្គស្នងការនគរបាលជាតិចេញផ្សាយថ្ងៃទី១៤ សីហានេះ ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃលោក ស ខេង ឲ្យដឹងថាគម្រោងចំណាយនេះគឺជាថវិកាជាតិទាំងស្រុង សម្រាប់ចំណាយលើការធ្វើជំរឿនជិតពេញមួយឆ្នាំ២០១៩ខាងមុខ ខណៈអង្គការUNFPA ផ្តល់ជំនួយបច្ចេកទេស។

ជំរឿនប្រជាជនកម្ពុជាក្នុងឆ្នាំ២០១៩ នឹងចាប់ផ្តើមនៅថ្ងៃទី៣ ខែមីនា ឆ្នាំ២០១៩ ដោយប្រើមនុស្សជំរឿនប្រមាណប្រាំម៉ឺននាក់ទូទាំងប្រទេស។

ជំរឿនគឺជាការរាប់ចំនួនមនុស្សប្រុសស្រីចាស់ក្មេងដើម្បីប្រមូលរាល់ទិន្នន័យសម្រាប់ការអភិវឌ្ឍប្រទេសជាតិ។ ប្រទេស កម្ពុជាឆ្លងកាត់ជំរឿនចំនួន៤លើកមកហើយគឺនៅឆ្នាំ១៩២១ ឆ្នាំ១៩៦២ ឆ្នាំ១៩៩៨ និងជំរឿនឆ្នាំ២០០៨៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។