នយោបាយ

មន្ត្រីទូតស្នើឲ្យនគរបាលខេត្តព្រះសីហនុចងសម្ព័ន្ធជាមួយខេត្តចិន

ដោយ វីអូឌី
| ១៥ សីហា ២០១៨
ម៉ោង ១៥:៣០

រសៀលថ្ងៃទី១៤ ខែសីហា ឆ្នាំ២០១៨ លោក ជួន ណារិន្ទស្នងការនគរបាលខេត្ត ព្រះសីហនុ បានទទួលបដិសណ្ឋារកិច្ច ប្រតិភូអគ្គរដ្ឋទូតចិនប្រចាំប្រទេសកម្ពុជា ដឹកនាំដោយMr.LiNingYa(military attache of Chinaសេនានុព័ន្ធយោធាចិនប្រចាំប្រទេសកម្ពុជា) និង Mr.Zhang Ping (Police Liaison Office China មន្ត្រីទំនាក់ទំនងកិច្ចការប៉ូលីស នៃស្ថានទូតចិនប្រចាំប្រទេសកម្ពុជា)។

មន្ត្រីទូតរបស់ចិនប្រចាំនៅកម្ពុជាកាលពីម្សិលមិញ បានស្នើឲ្យថ្នាក់ដឹកនាំនគរបាលក្នុងខេត្តព្រះសីហនុ ចងសម្ព័ន្ធភាពជាមួយ អាជ្ញាធរខេត្តមួយរបស់ចិនដែលជាខេត្តមានការរីកចម្រើននិងមានសន្តិសុខល្អ។

យោងតាមគេហទំព័រនគរបាលជាតិ ឲ្យដឹងថា ក្នុងកិច្ចពិភាក្សាលោក លី នីងយ៉ា (Mr. Li NingYa) សេនានុព័ន្ធយោធាចិនប្រចាំប្រទេសកម្ពុជា លោក សំាង ពីង (Mr.Zhang Ping) មន្ត្រីទំនាក់ទំនងកិច្ចការប៉ូលីស នៃស្ថានទូតចិន និងលោក ជួន ណារិន្ទ គណៈប្រតិភូនគរបាលខេត្ត ព្រះសីហនុ បានផ្តោតលើការងារសំខាន់ៗពាក់ព័ន្ធលើជំនួយរបស់រដ្ឋាភិបាលចិន។

ប្រភពដដែលបានឲ្យដឹងថា លោក លី នីងយ៉ា ក៏បានស្នើសុំឲ្យលោក ជួន ណារិន្ទ ធ្វើទស្សនកិច្ចទៅកាន់ខេត្តជាំងស៊ូ ដែលជាខេត្តមានសន្ដិសុខល្អនិងរីកចម្រើនខ្លាំងជាងគេក្នុងប្រទេសចិន និងដើម្បីចងសម្ព័ន្ធភាពជាមួយគ្នាផងដែរ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។