លោក ហ៊ុន សែន ស្តីបន្ទោសអភិបាលខណ្ឌដង្កោដែលសុំបន្តតំណែង

លោកនាយករដ្ឋមន្ត្រី ហ៊ុន សែន នៅព្រឹកនេះ បានស្តីបន្ទោសអភិបាលខណ្ឌដង្កោក្នុងរាជធានីភ្នំពេញ ដោយសារតែការសុំបន្តតំណែង។​

នៅក្នុងពិធីជួបជាមួយកម្មករក្នុងខណ្ឌពោធិ៍សែនជ័យនៅព្រឹកនេះ លោកនាយករដ្ឋមន្ត្រី ហ៊ុន សែន បានស្តីបន្តោសដល់លោក នុត ពុធដារ៉ា អភិបាលខណ្ឌដង្កោលោកថា អភិបាលខេត្តរូបនោះបានទាក់ទងទៅលោកដើម្បីសុំបន្តតំណែង២ឆ្នាំទៅមុខទៀត។​ លោក ហ៊ុន សែនចាត់ទុកថា នេះជាសកម្មភាពរំខានដល់រូបលោក។

លោកនាយករដ្ឋមន្ត្រីក៏បានបញ្ញជាក់ដែរថា រាល់ការសម្រេចផ្សេងៗរបស់ក្រសួងមហាផ្ទៃក្នុងការដោះដូរតំណែងមន្ត្រីត្រូវឆ្លងកាត់ការសម្រេចពីលោកដែរ។​

ក្រៅពីអភិបាលខណ្ឌដង្កោ លោកនាយករដ្ឋមន្ត្រីបានលើកឡើងករណីមន្ត្រីផ្សេងៗទៀតដែលកំពុងរត់ការដើម្បីរក្សាតំណែងឬ ឡើងតំណែងដែរ។​