នគរបាលជាតិសន្យារកចោរប្លន់ធនាគារឲ្យទាល់តែឃើញ

មន្ត្រីជាន់ខ្ពស់នៃនគរបាលជាតិ​ស្នើឲ្យប្រជាពលរដ្ឋទុកពេលមួយរយៈទៀតហើយថា សមត្ថកិច្ចនឹងស្វែងរកក្រុមចោរដែលប្លន់ធនាគារ អ អេច ប៊ី ឥណ្ដូឆៃណា សាខាម៉ៅសេទុង កាលពីថ្ងៃទី២៣ ​ខែសីហា​ ទាំងកណ្តាលថ្ងៃនោះឲ្យទាល់តែឃើញ។​

អ្នកនាំពាក្យអគ្គស្នងការដ្ឋាននគរបាលជាតិ លោក គៀត ចាន់ថារិទ្ធ​ បានប្រាប់វីអូឌីនៅថ្ងៃនេះថា មន្ដ្រីនគរបាលជាតិកំពុងតែបន្ដខិតខំធ្វើការស៊ើបអង្កេតករណីប្លន់ធនាគារនោះ។​

របាយការណ៍របស់សមត្ថកិច្ចឲ្យដឹងថា ក្រុមចោរចំនួន៥នាក់បានចូលប្លន់ធនគារ អ អេច ប៊ី ឥណ្ឌូឆៃណា សាខាផ្លូវម៉ៅសេទុងកាលពីថ្ងៃទី២៣ខែសីហា យកលុយបានជាង១សែនដុល្លារ។​

យោងតាមសេចក្ដីប្រកាសរបស់ធនាគារ អ អេច ប៊ី ឥណ្ដូឆៃណានៅថ្ងៃទី២៦ ខែសីហា ឆ្នាំ២០១៨ថា នៅសាខាម៉ៅសេទុងនេះ បានចាប់ផ្ដើមបើកដំណើរធម្មតាវិញ ដោយអាចបន្ដធ្វើសហប្រតិបត្តិការនិង ប្រើប្រាស់សេវាកម្មATMបាននៅថ្ងៃច័ន្ទ ទី២៧ ខែសីហា ឆ្នាំ២០១៨នេះ។