មេដឹកនាំកូរ៉េទាំងពីរត្រៀមជួបគ្នាម្តងទៀត

មេដឹកនាំកូរ៉េខាងត្បូងបញ្ជូនបេសកជនរបស់ខ្លួនទៅកាន់ទីក្រុងព្យុងយ៉ាងនៅសប្តាហ៍ក្រោយ ដើម្បីជជែកគ្នារៀបចំផែនការត្រៀមឲ្យថ្នាក់ដឹកនាំកំពូលនៃប្រទេសទាំងពីរអាចជួបគ្នាជាថ្មីម្តងទៀតពិភាក្សាលើកម្មវិធីអាវុធនុយក្លេអ៊ែ។

បើតាមការចុះផ្សាយរបស់សារព័ត៌មានSouth China Morning Post បានឲ្យដឹងថា លោក មូន ជែអ៊ីន ប្រធានាធិបតីកូរ៉េខាងត្បូងនឹងបញ្ជូនបេសកជន២រូប ទៅកាន់កូរ៉េខាងជើងនៅថ្ងៃពុធសប្តាហ៍នេះ។​

កាលពីថ្ងៃទី២៧ខែមេសា ឆ្នាំនេះ លោក មូន ជែអ៊ីន និង លោក គីម ជុងអ៊ុនបានជួបគ្នាម្តងរួចមកហើយ នៅក្នុងតំបន់ផានម៉ុនជុំ ជាតំបន់ដែលគ្មានកងទ័ពនៃប្រទេសទាំងពីរ។​ការជួបគ្នាពេលនោះគឺជាលើកទី១ហើយរបស់មេដឹកនាំនៃប្រទេសទាំងពីរចាប់តាំងពីកូរ៉េបែងចែកជាពីរ កាលពីសង្គ្រាមឆ្នាំ១៩៥០ដល់១៩៥៣។​

បណ្តាប្រទេសផ្សេងៗនៅក្នុងតំបន់កំពុងតែមានការព្រួយបារម្ភពីគ្រោះថ្នាក់នៃអាវុធនុយក្លេអ៊ែរបស់កូរ៉េខាងជើង ហើយតែងតែស្វែងរកការចរចាដើម្បីដោះស្រាយ។ ចំណែកកូរ៉េខាងជើងព្រមចរចា ក៏ដោយសារតែហេតុផលសេដ្ឋកិច្ច។​