ជនជាតិរៀតណាមចំនួន ១៥នាក់ត្រូវបានឃាត់ខ្លួននិងបញ្ជូនទៅកាន់អគ្គនាយកដ្ឋានអន្ដោប្រវេសន៍ ក្រោយពីមានការស៊ើបអង្កេតនិងអនុវត្តនិតិវិធី ចុះត្រួតពិនិត្យផ្លូវច្បាប់ចំពោះជនបរទេសរស់នៅខណ្ឌច្បារអំពៅ រាជធានីភ្នំពេញ។
យោងតាមគេហទំព័រ អគ្គស្នងការដ្ឋាននគរបាលជាតិចេញផ្សាយកាលពីម្សិលមិញគឺ មូលហេតុនៃការឃាត់ខ្លួនដោយសារការរស់នៅនិងធ្វើការលើទឹកដីកម្ពុជាខុសច្បាប់។ ក្នុងចំណោម១៥នាក់នោះមានស្រី៦នាក់។
ជនបរទេសដែលត្រូវបានអាជ្ញាធរកម្ពុជាបណ្ដេញចេញពីកម្ពុជាក្នុងរយៈពេល៨ខែដើមឆ្នាំ២០១៨នេះ មានចំនួនសរុប ៧៧២នាក់ ក្នុងចំណោមជនបរទេស ៤៣សញ្ជាតិ ក្នុងនោះមានជនជាតិវៀតណាមចំនួន១៩២នាក់។