លោក ហ៊ុន សែន បានធ្វើការប្ដេជ្ញាជាឱឡារិកចំពោះប្រជាពលរដ្ឋទូទាំងប្រទេសថា លោកនឹងបន្តដឹកនាំស្ថាប័ននីតិប្រតិបត្តិរបស់ជាតិឲ្យបានសម្រេចជោគជ័យថែមទៀតក្នុងអាណត្តិថ្មីនេះ។
តាមគេហទំព័រហ្វេសប៊ុក របស់លោកនាករដ្ឋមន្រ្តី ហ៊ុនសែន ដែលចេញនៅថ្ងៃនេះថា សម្រាប់អាណត្តិទី៦នេះលោកនឹងបន្ដយកចិត្តទុកដាក់ និងអនុវត្តវិធានការជាក់ស្ដែងជាអាទិភាពចំនួន៤គឺ បន្ដបង្កើនប្រាក់ឈ្នួលកម្មករ បន្ដបង្កើនប្រាក់បៀរវត្ស បញ្ចុះតម្លៃអគ្គិសនី និងដាក់ឲ្យអនុវត្តកម្មវិធីគោលនយោបាយគាំពារសង្គម។
លោកបានបន្ដទៀតថា រាជរដ្ឋាភិបាលនៅតែបន្ដអនុវត្តន៍យុទ្ធសាស្ដ្រចតុកោណជាបន្ដទៀតដោយអាទិភាព១គឺវិស័យធនធានមនុស្ស និងវិស័យបន្ទាប់ទៀតដែលរួមមាន ផ្លូវ ទឹក និងភ្លើងដែលជាវិស័យទំាង៤ដែលចូលរួមចំណែកយ៉ាងសំខាន់ក្នុងការអភិវឌ្ឍប្រទេសជាតិឲ្យមានការរីកចម្រើន។
ក្នុងអាណត្តិទី៦នេះ គណបក្សប្រជាជនកម្ពុជារបស់លោកនាយករដ្ឋមន្រ្តីីហ៊ុន សែន គ្រប់គ្រងទាំងស្ថាប័ននីតិប្រតិបត្តិ និងនីតិបញ្ញត្តិ៕