ចំនួនអ្នកស្លាប់ដោយសារការរញ្ជួយដីនៅជប៉ុនកើនឡើងដល់ ៣០នាក់គិតត្រឹមព្រឹកថ្ងៃសៅរ៍នេះ ខណៈក្រុមអ្នកជួយសង្គ្រោះរាប់ពាន់នាក់ផ្សេងទៀតកំពុងតែបន្តស្វែងរកអ្នកនៅរស់រានមានជីវិតនៅក្នុងភក់និងបំណែកអាគារផ្សេងៗ។
តាមការចុះផ្សាយរបស់Channel News Asia បានឲ្យដឹងថា ភាគច្រើននៃចំនួនអ្នកស្លាប់គឺនៅក្នុងទីក្រុងតួចមួយនៅតំបន់ដាច់ស្រយាល ឈ្មោះ Atsuma ដែលមានការរញ្ជួយដីខ្លាំងក្នុងកម្លាំងញ័រ៦,៦រិច្ឆទ័រ។
អាជ្ញាធរនៅភាគខាងជើងនៃកោះ ហុកកៃដូ បានឲ្យដឹងថា មនុស្ស៩នាក់ទៀតនៅបាត់ខ្លួន ក្រុមការងារកំពុងស្វែងរក ចំណែកអ្នករងរបួសមានចំនួន៤០០នាក់។
ចាប់ពីមានការរញ្ជួយដីកាលពីថ្ងៃព្រហស្បតិ៍មក បានបណ្តាលឲ្យអ្នករស់នៅលើកោះហុកកៃដូប្រមាណ៣លានគ្រួសារបាត់បង់អគ្គិសនីប្រើប្រាស់ ហើយរដ្ឋាភិបាលបានប្រើប្រាស់លុយសម្រាប់សង្គ្រោះក្នុងស្ថានភាពអាសន្នដឹកស្បៀង និងប្រេងឥន្ធនៈយកទៅតំបន់នោះ។
