នយោបាយ

លោកស ថេត ឡើងកាន់តំណែងមេនគរបាលភ្នំពេញជំនួសលោក ជួន សុវណ្ណ នៅថ្ងៃស្អែក

ដោយ វីអូឌី
| ១០ កញ្ញា ២០១៨
ម៉ោង ១៧:៣០

អតីតស្នងការនគរបាលខេត្តបាត់ដំបង លោក ស ថេត កាលពីកន្លងទៅ (រូបភាព៖ នគរបាលជាតិ)

អតីតស្នងការនគរបាលខេត្តបាត់ដំបង លោក ស ថេត នឹងចូលកាន់ដំណែងជាស្នងការនគរបាលរាជធានីភ្នំពេញ ជំនួសលោក ជួន សុវណ្ណ ដែលលោកត្រូវបានផ្លាស់ប្តូរភារកិច្ច ឲ្យទៅកាន់តួនាទីជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀនវិញ។

លោក ស ថេត បានប្រាប់វីអូឌីតាមទូរស័ព្ទថា លោកនឹងចូលកាន់តំណែងជាផ្លូវការនៅរសៀលថ្ងៃស្អែកនេះ ដែលពិធីនេះនឹងធ្វើឡើងនៅសាលប្រជុំស្នងការដ្ឋាននគរបាលរាជធានីភ្នំពេញ។

លោកឧត្ដមសេនីយ៍ឯក ស ថេត បានត្រូវបានតែងតាំងជាអគ្គស្នងការរងនគរបាលជាតិកាលពីខែកញ្ញាឆ្នាំមុន បន្ទាប់ពីលោកត្រូវបានផ្ទេរភារកិច្ចពីស្នងការនគរបាលខេត្តបាត់ដំបង៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។