ក្រសួងមហាផ្ទៃកាលពីថ្ងៃទី១០ខែកញ្ញា បានស្នើឲ្យសម្តេចក្រុមព្រះ ពិនិត្យនិងអនុវត្តឲ្យបានត្រឹមត្រូវតាមលក្ខន្តិកៈរបស់គណបក្សដែលតម្កល់នៅក្រសួងមហាផ្ទៃ ចំពោះការតែងតាំងប្រធានស្តីទី។
តាមលិខិតរបស់ក្រសួងមហាផ្ទៃចុះហត្ថលេខាដោយលោក ស ខេង បានបញ្ជាក់ថា ក្រសួងទទួលបានសេចក្តីសម្រេច កាលពីថ្ងៃទី៨ខែសីហាឆ្នាំ២០១៨ របស់គណបក្សហ្វ៊ុនស៊ិនប៉ិច ចំពោះការតែងតាំងព្រះអង្គម្ចាស់ នរោត្តម ចក្រាវុឌ្ឍ ជាប្រធានស្តីទី។
ក្នុងលិខិតនោះក្រសួងមហាផ្ទៃបានស្នើឲ្យសម្តេចក្រុមព្រះ ពិនិត្យនិងអនុវត្តន៍ឲ្យបានត្រឹមត្រូវតាមលក្ខន្តិកៈរបស់គណបក្សដែលតម្កល់នៅក្រសួងមហាផ្ទៃ។
ព្រះអង្គម្ចាស់ នរោត្តម ចក្រាវុឌ្ឍ គឺជាបុត្ររបស់សម្តេចក្រុមព្រះ ហើយត្រូវបានតែងតាំងជាប្រធានស្តីគណបក្សក្រោយពេលដែលសម្តេចក្រុមព្រះជួបគ្រោះថ្នាក់ចរាចរណ៍មិនអាចដឹកនាំគណបក្សបាន។
