រដ្ឋាភិបាលបានបញ្ជាទៅអភិបាលខេត្តព្រះសីហនុ ឲ្យមានវិធានការចំពោះសំណង់ទាំងឡាយណា ដែលពុំបានរៀបចំអាងប្រព្រឹត្តិកម្មទឹកកខ្វក់ អាងបង្គន់អនាម័យ និងប្រព័ន្ធលូ ដើម្បីធានាដល់អនាម័យ សោភ័ណភាព គុណភាពទឹកសមុទ្រ និងធនធានសមុទ្រក្នុងខេត្តនេះ។
ក្នុងលិខិតចុះថ្ងៃទី១៨ កញ្ញា ដែល VOD ទើបទទួលបាននៅថ្ងៃនេះ ប្រធានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាលោក ជា សុផារ៉ា បានបញ្ជាទៅអភិបាលខេត្តព្រះសីហនុ លោក យន្ត មីន ឲ្យចាត់វិធានការផ្អាកការសាងសង់ ឬផ្អាកការធ្វើអាជីវកម្មជាបណ្ដោះអាសន្នរាល់សំណង់អាគារលំនៅឋាន ពាណិជ្ជកម្ម សេវាកម្ម សណ្ឋាគារ ភោជនីយដ្ឋាន និងរោងចក្រ ដែលពុំបានរៀបចំអាងប្រព្រឹត្តិកម្មទឹកកខ្វក់ អាងបង្គន់អនាម័យ និងប្រព័ន្ធលូ ក្នុងទីតាំងអាជីវកម្មរបស់ខ្លួន រហូតដល់អាជីវកម្មទាំងនោះមានការរៀបចំប្រព័ន្ធទាំងនេះរួចរាល់ទើបអនុញ្ញាតឲ្យសាងសង់ និងបន្តអាជីវកម្មឡើងវិញបាន។
ក្នុងលិខិតនោះសរសេរថា៖
អ្នកនាំពាក្យក្រសួងដែនដី លោក សេង ឡូត មានប្រសាសន៍ថា បទបញ្ជានេះ គឺចង់ឲ្យម្ចាស់អាជីវកម្មទាំងអស់ អនុវត្តន៍ត្រឹមត្រូវតាមសេចក្ដីណែនាំរបស់រដ្ឋាភិបាលដែលចេញកាលពីកន្លងទៅ ខណៈដែលខេត្តព្រះសីហនុជាខេត្តទេសចរណ៍មួយ ដែលកំពុងមានកំណើននៃអាជីវកម្មទាំងនោះ។
អ្នកនាំពាក្យក្រសួងដែនដី លោក សេង ឡូត
អភិបាលខេត្តព្រះសីហនុ លោក យន្ត មីន ថា នៅពេលនេះ ខេត្តបានចុះអនុវត្តន៍ហើយ ប៉ុន្តែ លោកថា មិនទាន់បានរបាយការណ៍ពីការអនុវត្តនេះនៅឡើយទេ។
អភិបាលខេត្តព្រះសីហនុ លោក យន្ត មីន
មន្ត្រីសម្របសម្រួលសមាគមអាដហុកប្រចាំខេត្តព្រះសីហនុ អ្នកស្រី ជៀប សុធារី បានអបអរសាទរចំពោះវិធានការរបស់រដ្ឋាភិបាលនៅពេលនេះ ប៉ុន្តែ អ្នកស្រីស្នើដល់មន្ត្រីមូលដ្ឋាន ក៏ដូចជាថ្នាក់ខេត្ត គួរតែអនុវត្តន៍ច្បាប់ មិនគួររង់ចាំការបញ្ជាពីថ្នាក់លើបន្ថែមបែបនេះនោះទេ។
មន្ត្រីសម្របសម្រួលសមាគមអាដហុកប្រចាំខេត្តព្រះសីហនុ អ្នកស្រី ជៀប សុធារី
បើតាមអ្នកស្រី សុធារី កាលពីកន្លងទៅ អ្នកស្រីឃើញមានសណ្ឋាគារ និងភោជនីយដ្ឋានក្នុងខេត្តនេះមួយចំនួន បានបង្ហូរទឹកកខ្វក់ចេញពីទីតាំងអាជីវកម្មរបស់ខ្លួនទៅកាន់សមុទ្រផងដែរ ដោយមិនមានវិធានការពីអាជ្ញាធរនោះទេ ខណៈអ្នកស្រីសង្ឃឹមថា នឹងមានការកែលម្អច្រើនបន្ទាប់ពីមានសេចក្ដីសម្រេចនេះ៕
