ធនាគារអភិវឌ្ឍន៍អាស៊ីបានលើកឡើងថាការដំឡើងប្រាក់ឈ្នួលយ៉ាងឆាប់រហ័សរបស់កម្ពុជាអាចបង្កឲ្យមានហានិភ័យក្នុងស្រុក ខណៈការប្រកួតប្រជែងកម្លាំងពលកម្មថោកខាងក្រៅកំពុងធ្វើឲ្យកម្ពុជាមានការប្រឈម។
ក្នុងសេចក្ដីប្រកាសព័ត៌មានចុះថ្ងៃទី២៦ កញ្ញា នេះធនាគារអភិវឌ្ឍន៍អាស៊ីបានលើកឡើងថា ការដំឡើងប្រាក់ឈ្នួលជាបន្តបន្ទាប់ឲ្យកម្មករ ជាភាពហានីភ័យមួយដល់កម្ពុជា ខណៈដែលកម្លាំងពលកម្មនៅប្រទេសផ្សេងទៀតមានតម្លៃថោកជាងកម្ពុជានោះ។
ទោះយ៉ាងណាក៏ដោយតាមប្រភពខាងលើ សេដ្ឋកិច្ចកម្ពុជានៅតែរក្សាកំណើនប្រហែល៧ភាគរយដដែលនៅឆ្នាំនេះ និងឆ្នាំ២០១៩ខាងមុខ ដោយសារតែការនាំចេញនៅតែមានកំណើន ការកើនឡើងនៃចំនួនអ្នកទេសចរណ៍ ការបញ្ជាទិញកើនឡើង និងមានគោលនយោបាយសារពើពន្ធ តែការចំណាយរបស់កម្ពុជានៅតែមានចំនួនច្រើនជាងចំណូលនៅឡើយ។
ចាប់ពីឆ្នាំ១៩៩៧ ដល់ឆ្នាំ២០១៨ នេះ រដ្ឋាភិបាលបានដំឡើងប្រាក់ឈ្នួលអប្បបរិមាដល់កម្មករជាបន្តបន្ទាប់ពោលគឺពី៤០ ដល់១៧០ដុល្លារក្នុងមួយខែ ហើយក៏សន្យាថានឹងមានការពិភាក្សាដំឡើងបន្តទៀតនាឆ្នាំបន្តបន្ទាប់៕