ក្រសួងសុខាភិបាលនិងក្រសួងមហាផ្ទៃអំពាវអោយមានការប្រុងប្រយ័ត្នចំពោះចំណីអាហារនិងការធ្វើដំណើរក្នុងឱកាសបុណ្យភ្ជុំបិណ្ឌនេះ ដើម្បីបង្ការនូវបញ្ហាសុខភាពនិងគ្រោះថ្នាក់មួយចំនួនដែលអាចនឹងកើតឡើង។
សេចក្តីជូនព័ត៌មានរបស់ក្រសួងសុខាភិបាលដែលចេញកាលពីថ្ងៃទៅ២៥ ខែកញ្ញា ឆ្នាំ២០១៨ បានក្រើនរំលឹកដល់ពលរដ្ឋថា ការពុលចំណីអាហារភាគច្រើនគឺបណ្តាលមកពីការរៀបចំអាហារមិនមានអនាម័យល្អ និងការពិសារស្រាដែលបានផលិត ឬបិតដោយមិនមានលក្ខណៈបច្ចេកទេសត្រឹមត្រូវ។ សេចក្តីជូនព័ត៌មានដដែលនេះក៏បានអំពាវនាវអោយប្រជាពលរដ្ឋមានការប្រុងប្រយ័ត្នមួយចំនួនទាក់ទងនឹងការប្រើប្រាស់ ការហូបចុក ការសម្អាតបន្លែ ផ្លែឈើនិងសម្ភារៈផ្សេងៗ រួមទាំងការទុកដាក់ចំណីអាហារឲ្យមានអនាម័យ ជាដើម។
ចំណែកឯក្រសួងមហាផ្ទៃវិញ ក៏បានចេញនូវសេចក្តីអំពាវនាវកាលពីម្សិលមិញទាក់ទងនឹងការធ្វើដំណើរនាឱកាសពិធីបុណ្យភ្ជុំបិណ្ឌនេះ។ សេចក្តីអំពាវនាវនោះបានឲ្យដឹងយានយន្តដែលធ្វើចរាចរណ៍ក្នុងឱកាសភ្ជុំបិណ្ឌនេះនឹងមានការកើនឡើងខុសប្រក្រតី ដែលអាចអោយមានកំណើនគ្រោះថ្នាក់ចរាចរណ៍ ឬ ការកកស្ទះជាដើម។ ប្រភពដដែលបានបន្តថា ដើម្បីបង្ការនិងទប់ស្កាត់នូវបញ្ហានេះ ក្រសួងអំពាវនាវអោយមានការ ត្រួតពិនិត្យបច្ចេកទេសយាន្តយន្តអោយបានត្រឹមត្រូវ គោរពច្បាប់ចរាចរណ៍ មានសីលធម៌ក្នុងការបើកបរ និង មិនត្រូវផ្ទុកអ្នកដំណើរលើសច្បាប់កំណត់នោះទេ។
ពិធីបុណ្យភ្ជុំបិណ្ឌឆ្នាំនេះ នឹងប្រព្រឹត្តទៅពីថ្ងៃទី០៨ ដល់ទី១០ តុលា ឆ្នាំ២០១៨ ខាងមុខនេះ៕