គណបក្សប្រជាជនកសាងស្នាក់ការកណ្តាលថ្មី

គណបក្សប្រជាជនកម្ពុជាកម្ចេចអគារស្នាក់ការកណ្តាលចោលទាំងអស់ ហើយកសាងថ្មីវិញ នៅទីតាំងចាស់ដដែល។

ស្នាក់កណ្តាលគណបក្សប្រជាជនកម្ពុជានៅតាមបណ្តោយផ្លូវព្រះនរោត្តម មានព័ទ្ធស័ង្កសីជុំវិញ ចំណែក​អគារខាងក្នុងវាយកម្ចេចចោលទាំងអស់។​

អ្នកនាំពាក្យគណបក្សប្រជាជនកម្ពុជា លោក សួស យ៉ារ៉ា មានប្រសាសន៍ថា ស្នាក់ការ នេះកសាងថ្មី។

លោកមានប្រសាសន៍ថា៖«មិនមែនដូរ មិនមែនធ្វើឡើងវិញទេ គឺកសាងថ្មីតែម្តង»។

ពេលសួរថា តើការកសាងថ្មីនេះ ចំណាយលុយអស់ប៉ុន្មាន? កសាងរួចរាល់ពេលណា? លោក សួស យ៉ារ៉ា ថា លោកមិនបានដឹងទេ ព្រោះនេះជាការងាររបស់គណៈកម្មការដែល ទទួលខុស ត្រូវ។