ជនជាតិចិន ១១នាក់ ត្រូវបានសមត្ថកិច្ចកម្ពុជាចាប់ខ្លួននៅរាជធានីភ្នំពេញ កាលពីថ្ងៃម្សិលមិញនេះ ទៅតាមសំណើរបស់អាជ្ញាធរចិន។ នេះបើតាមការចុះផ្សាយរបស់សារព័ត៌មាននគរបាលជាតិ។
គេហទំព័រនគរបាលជាតិ បានដកស្រង់សម្ដីមន្ត្រីនគរបាលរាជធានីភ្នំពេញ ដែលបាននិយាយថា សមត្ថកិច្ចកម្ពុជាបានចាប់ខ្លួនជនជាតិចិន ១១នាក់ ក្នុងនោះមានស្ត្រី ២នាក់ផងដែរ នៅក្នុងខណ្ឌពោធិ៍សែនជ័យ កាលពីរសៀលថ្ងៃម្សិលមិញនេះ។
សរព័ត៌មាននគរបាលជាតិ បានចុះផ្សាយបន្តថា ជនជាតិចិនទាំងនោះ ត្រូវបានចាប់ខ្លួន និងបញ្ជូនទៅអគ្គនាយកដ្ឋានអន្តោប្រវេសន៍។
ជនជាតិចិនទាំង ១១នាក់នោះ ត្រូវបានសមត្ថកិច្ចកម្ពុជាចាប់ខ្លួនទៅតាមសំណើរបស់អាជ្ញាធរចិន ដែលកំពុងស្វែងរកចាប់ខ្លួនពួកគេ៕