សារព័ត៌មានអន្តរជាតិបានចុះផ្សាយថា មនុស្សយ៉ាងហោចណាស់ ៥៩នាក់ បានស្លាប់ ហើយរាប់សិបនាក់ទៀត បានរងរបួស ក្រោយពីរថភ្លើងដឹកនអ្នកដំណើរមួយគ្រឿងដែលធ្វើដំណើរក្នុងល្បឿនលឿននោះ បានបុកមហាជននៅលើផ្លូវដែក ស្ថិតនៅភាគខាងជើងប្រទេសឥណ្ឌា ដែលនេះគឺជាមហន្តរាយដ៏អាក្រក់បំផុតប្រចាំប្រទេសនៅក្នុងឆ្នាំនេះ។ នេះបើតាមការចុះផ្សាយរបស់សារព័ត៌មាន BBC នៅថ្ងៃនេះ។
សារព័ត៌មានអង់គ្លេសមួយនេះ រថភ្លើងមួយខ្សែបានរត់ទៅបុកមហាជន ដែលកំពុងតែឈរនៅលើផ្លូវដែក ដើម្បីមើលការប្រារព្ធពិធីបុណ្យតាមហិណ្ឌូសាសនាមួយ ស្ថិតនៅរដ្ឋបុញ្ចាប ស្ថិតនៅភាគខាងជើងប្រទេសឥណ្ឌា។
បើតាមការចុះផ្សាយរបស់សារព័ត៌មានដដែលនេះ គ្មាននរណាដឹងច្បាស់ថា តើនរណាម្នាក់អនុញ្ញាត្យមានការរៀបចំពិធីបុណ្យនោះនៅលើផ្លូវរថភ្លើងនោះឡើយ ហើយមន្ត្រីឥណ្ឌាបានបន្ទោសគ្នាទៅវិញទៅមកចំពោះករណីនេះ។
ខណៈដែលនាយករដ្ឋមន្ត្រីឥណ្ឌា លោក នរេន្ទ្រា ម៉ូឌី ហៅហេតុការណ៍នេះថា «ពុះបំបែកបេះដូង»នោះ គ្រួសារជនរងគ្រោះ បានចេញទៅបង្ហាញការតវ៉ាដោយកំហឹងនៅលើផ្លូវរថភ្លើងកាលពីថ្ងៃម្សិលមិញនេះ៕