អន្តរជាតិ

កម្មករភូមា៩នាក់ស្លាប់នៅថៃក្រោយរថយន្តមួយគ្រឿងបើកទៅបុកដើមឈើ

លោក ឌិត សុខធី
| ២២ តុលា ២០១៨
ម៉ោង ២០:៤០

រថយន្តដែលដឹកជនជាតិមីយ៉ាន់ម៉ាបានឆាបឆេះ បន្ទាប់ពីវាបានជ្រុលទៅបុកដើមឈើតាមដងផ្លូវកាលពីថ្ងៃអាទិត្យ ទី២១ ខែតុលា ឆ្នាំ២០១៨។ (រូបភាព៖ បាងកកប៉ុស្តិ)

យ៉ាងហោចណាស់កម្មករជនជាតិភូមា ៩នាក់ ត្រូវបានភ្លើងឆេះរហូតដល់ស្លាប់ ហើយកម្មករ ៦នាក់ទៀត បានរងរបួស ក្រោយពីរថយន្តដឹកជញ្ជូនមួយគ្រឿង បានបុកនឹងដើមឈើមួយដើមនៅក្បែរចិញ្ចើមផ្លូវ ហើយផ្ទុះឆេះនៅក្នុងខេត្តកំផែងពេជ្រ កាលពីថ្ងៃម្សិលមិញនេះ។ នេះបើតាមការចុះផ្សាយរបស់សារព័ត៌មានថៃ។

សារព័ត៌មាន Bangkok Post បានចុះផ្សាយថា រថយន្តដឹកជញ្ជូនមួយគ្រឿង បានបើកទៅបុកនឹងដើមឈើមួយដើម ស្ថិតនៅស្រុកខ្លងខ្លុង កាលពីព្រឹកថ្ងៃអាទិត្យម្សិលមិញនេះ។

សារព័ត៌មាននេះ បានចុះផ្សាយបន្តថា ក្រុមជួយសង្គ្រោះបានប្រទះឃើញអណ្ដាតភ្លើងឆាបឆេះឡើង ក្រោយពីរថយន្តនោះបានបុកដើមឈើ។

បើតាមសារព័ត៌មានដដែលនេះ កម្មករភូមា ៩នាក់ ត្រូវភ្លើងឆេះរហូតដល់ស្លាប់នៅក្នុងរថយន្តនោះ ហើយ ៦នាក់ទៀតបានរងរបួស ក្នុងនោះមានទាំងអ្នកបើកបរជនជាតិថៃផងដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។