ព្រះមហាក្សត្របានចេញព្រះរាជក្រឹត្យផ្ទេរតំណែងព្រះរាជអាជ្ញាជាង២០រូប ក៏ដូចជាប្រធាន និងអនុប្រធាន ចៅក្រមទូទាំងប្រទេសជាង៤០នាក់ តាមការបង្គំថ្វាយរបស់រដ្ឋមន្ត្រីក្រសួងយុត្តិធម៌។
ក្នុងព្រះរាជក្រឹត្យចុះថ្ងៃទី២៧ តុលា ព្រះករុណាព្រះបាទសម្តេចព្រះបរមនាថ នរោត្តម សីហមុនី បានត្រាស់បង្គាប់នាយករដ្ឋមន្ត្រីហ៊ុន សែន និងឧត្ដមក្រុមប្រឹក្សានៃអង្គចៅក្រម តែងតាំង អគ្គព្រះរាជអាជ្ញារងអមតុលាការកំពូល១រូប សាលាឧទ្ធរណ៍១រូប និងផ្ទេរតំណែងព្រះរាជអាជ្ញានៅតាមរាជធានី-ខេត្តចំនួន ២២រូបផ្សេងទៀត។
ក្នុងព្រះរាជក្រឹត្យដាច់ដោយឡែកមួយទៀតចុះថ្ងៃទី២៧ តុលា ព្រះមហាក្សត្រក៏បានត្រាស់បង្គាប់តែងតាំងប្រធាននិងអនុប្រធានសាលាដំបូងរាជធានី-ខេត្ត ចំនួន៧រូប និងចៅក្រមទូទាំងប្រទេសចំនួន៣៦រូបផងដែរ។
របាយការណ៍សមិទ្ធផល៥ឆ្នាំរបស់រដ្ឋាភិបាលឲ្យដឹងថាគិតត្រឹមឆ្នាំ២០១៧ ចៅក្រមនៅទូទាំងប្រទេសមានចំនួន២៦៦នាក់ ខណៈព្រះរាជអាជ្ញាមាន១៧៩នាក់៕
ព្រះមហាក្សត្រ ចេញព្រះរាជក្រឹត្យ ផ្ទេរតំណែង ប្រធាន-អនុប្រធាន និងចៅក្រម នៅទូទាំងប្រទេស
