អភិបាលខេត្តសៀមរាប លោក ឃឹម ប៊ុនសុង ត្រូវបានតែងតាំងជារដ្ឋលេខាធិការក្រសួងការពារជាតិ បន្ទាប់ពីលោកបញ្ចប់តំណែងជាអភិបាលខេត្តសៀមរាប។
យោងតាមព្រះរាជក្រឹត្យចុះថ្ងៃទី៦ ខែធ្នូ ឆ្នាំ២០១៨កន្លងទៅនេះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ទ្រង់ត្រាស់បង្គាប់តែងតាំង លោក ឃឹម ប៊ុនសុង ជារដ្ឋលេខាធិការក្រសួងការពារជាតិ។ ព្រះរាជក្រឹត្យដដែលនេះ ក៏បានតម្លើងឋានន្តរស័ក្តិលោក ឃឹម ប៊ុនសុង ពីថ្នាក់ឧត្តមសេនីយ៍ឯកឡើងទៅជានាយឧត្តមសេនីយ៍នាយទាហានថ្នាក់ឧត្តមសេនីយ៍ នៃកងយោធពលខេមរភូមិន្ទ ផងដែរ។
ក្នុងព្រះរាជក្រឹត្យដាច់ដោយឡែកមួយទៀតចុះថ្ងៃទី៦ ខែធ្នូ ឆ្នាំ២០១៨ លោក ទៀ សីហា ដែលជាកូនប្រុសពៅរបស់ លោក ទៀ បាញ់ រដ្ឋមន្រ្តីក្រសួងការពារជាតិ ក៏ត្រូវបានព្រះមហាក្សត្រតែងតាំងជាអភិបាលខេត្តសៀមរាបជំនួស លោក ឃឹម ប៊ុនសុង៕