ព័ត៌មានទាន់ហេតុការណ៌, សន្តិសុខ

ស្លាប់ម្នាក់ និងរងរបួស៨នាក់ក្នុងហេតុការណ៍បុករះនៅជ្រោះពេជ្រនិល

លោក ហ៊ុន សិរីវឌ្ឍន៍
| ០៣ មករា ២០១៩
ម៉ោង ១៧:៤៨

នារសៀលថ្ងៃទី០៣ ខែមករា ឆ្នាំ២០១៩គ្រោះថ្នាក់ចរាចរណ៍រវាងរថយន្ដកុងតឺន័រ និងរថយន្ដធុនតូចប្រមាណជិត២០គ្រឿងបានបុកបន្តបន្ទាប់គ្នា នៅលើកំណាត់ផ្លូវជាតិលេខ៤ ជិតជ្រោះពេជ្រនិល ស្ថិតក្នុងភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ (រូបថត៖ឯកសារ)

មន្ត្រីនគរបាលខេត្តកំពង់ស្ពឺ បានឲ្យដឹងថា មនុស្សម្នាក់បានស្លាប់ ហើយ ៨នាក់ផ្សេងទៀត បានរងរបួសក្នុងហេតុការណ៍រថយន្តដាច់ហ្វ្រាំងបុករះនៅជិតជ្រោះពេជ្រនិលនៅថ្ងៃនេះ។

ស្នងការនគរបាលខេត្តកំពង់ស្ពឺ លោក សម សាមួន បានប្រាប់VOD ថា ហេតុការណ៍នេះកើតឡើងនៅម៉ោង ២និង ៣០នាទីរសៀលថ្ងៃនេះ នៅលើកំណាត់ផ្លូវជាតិលេខ៤ ជិតជ្រោះពេជ្រនិល ក្នុងឃុំត្រែងត្រយឹង ស្រុកភ្នំស្រួច។

លោក សាមួន បានឲ្យដឹងថា គ្រោះថ្នាក់ចរាចរណ៍នេះ បង្ករឡើងដោយរថយន្តដឹកថ្មធុនធ្ងន់ដាច់ហ្វ្រាំងបុករះ បណ្ដាលឲ្យមនុស្សម្នាក់ស្លាប់ ៨នាក់ទៀតបានរងរបួស និងខូចខាតរថយន្ត២០គ្រឿង។

លោកថា ទាំងអ្នកស្លាប់ និងរបួសត្រូវបានបញ្ជូនទៅមន្ទីរពេទ្យខេត្តហើយ ចំណែកជនបង្កបានរត់គេចខ្លួន៕

នារសៀលថ្ងៃទី០៣ ខែមករា ឆ្នាំ២០១៩នេះ គ្រោះថ្នាក់ចរាចរណ៍រវាងរថយន្ដកុងតឺន័រ និងរថយន្ដធុនតូចប្រមាណជិត២០គ្រឿងបានបុកបន្តបន្ទាប់គ្នា នៅលើកំណាត់ផ្លូវជាតិលេខ៤ ជិតជ្រោះពេជ្រនិល ស្ថិតក្នុងភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។