ព័ត៌មានទាន់ហេតុការណ៌, សង្គម

ស្នងការរាជធានីបង្កើតក្រុមការងារចុះដោះស្រាយការកកស្ទះចរាចរណ៍

លោក ហ៊ុន សិរីវឌ្ឍន៍
| ១២ កុម្ភៈ ២០១៩
ម៉ោង ១០:៤៩

ចរាចរតាមដងផ្លូវមួយកន្លែង ក្នុងក្រុងភ្នំពេញ នៅថ្ងៃទី៣១ ខែតុលា ឆ្នាំ២០១៨។ (រូបភាព៖ ជន ចាន់រ៉ែន)

ស្នងការរាជធានីភ្នំពេញ សម្រេចបង្កើតក្រុមអន្តរាគមន៍ពិសេសសម្រាប់ដោះស្រាយបញ្ហាកកស្ទះចរាចរណ៍ និងបញ្ហាចរាចរណ៍ក្នុងរាជធានី។

ស្នងការនគរបាលរាជធានីភ្នំពេញ លោក ស ថេត មានបានលើកឡើងក្នុងទំព័រហ្វេសប៊ុករបស់លោកកាលពីម្សិលមិញ ថាបន្ទាប់ពីមានការឯកភាពពីសាលារាជធានីភ្នំពេញ ស្នងការនគរបាលសម្រេចបង្កើតក្រុមការងារជាបីក្រុម ដើម្បីចល័តទូទាំងក្រុងដោះស្រាយបញ្ហាកកស្ទះចរាចរណ៍ និងទប់ស្កាត់ការជិះបញ្ច្រាស។ ក្រុមការងារនេះ ក៏មានតួនាទី ជំរុញដល់នគរបាលចរាចរណ៍ឲ្យអនុវត្តន៍ការងារ លុបបំបាត់ការពួនស្ទាក់ចាប់អ្នកល្មើសច្បាប់ចរាចរណ៍ ហាមការពិន័យលើសការកំណត់ ជាពិសេសត្រូវកែជាបន្ទាន់នៅពេលពលរដ្ឋបត់ស្ដាំទោះស្ដុបឡើងពណ៌ក្រហមក៏មិនត្រូវផាកពិន័យឡើយ។

របាយការណ៍របស់សាលារាជធានីភ្នំពេញ កាលពីឆ្នាំ២០១៨កន្លងទៅ ឲ្យដឹងថា នៅរាជធានីភ្នំពេញ ចំនួនរថយន្ត និងម៉ូតូ មានប្រមាណជាង ៣លាន ២សែនគ្រឿង៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។