ក្រសួងធនធានទឹក និងឧតុនិយម ណែនាំឲ្យពលរដ្ឋមានការប្រុងប្រយ័ត្នចំពោះបាតុភូតរន្ទះ និងខ្យល់កន្ត្រាក់ដែលអាចកើតមានឡើងជាយថាហេតុ ក្នុងរយៈពេលមួយសប្តាហ៍នេះ។
ក្រសួងធនធានទឹក និងឧតុនិយម កាលពីថ្ងៃទី២៨ ខែកុម្ភៈ ម្សិលមិញនេះ បានជូនដំណឹងដល់ប្រជាពលរដ្ឋឲ្យមានការប្រុងប្រយ័ត្នចំពោះបាតុភូតរន្ទះ និងខ្យល់កន្ត្រាក់ដែលអាចកើតមានឡើងចាប់ពីថ្ងៃទី២៨ ខែកុម្ភៈ ដល់ ថ្ងៃទី០៦ ខែមីនា ឆ្នាំ២០១៩។
យោងតាមរបាយការណ៍របស់គណៈកម្មការគ្រប់គ្រងគ្រោះមហន្តរាយ ក្នុងឆ្នាំ២០១៨កន្លងមក មានមនុស្សចំនួន១១០នាក់ បានស្លាប់ និង៨២នាក់ បានរងរបួស ដោយសារបាតុភូតរន្ទះ។ ចំណែកគ្រោះខ្យល់ព្យុះបានកើតឡើង១៩៦ លើក បណ្ដាលឲ្យមនុស្សស្លាប់ ៦នាក់ របួស ៤៤នាក់ និងធ្វើឲ្យផ្ទះប្រជាពលរដ្ឋ៦០០ខ្នងរងការខូចខាតធ្ងន់ធ្ងរ និងជិត៣០០០ខ្នងរងការខូចខាតមធ្យម៕
