ក្រសួងមហាផ្ទៃ បានស្នើឲ្យអភិបាលរាជធានី-ខេត្តទាំងអស់ សហការជាមួយឧត្តមក្រុមប្រឹក្សាពិគ្រោះ និងផ្តល់យោបល់ នៅពេលក្រុមការងារនេះចុះបំពេញបេសកម្មការងារនៅតាមរាជធានីខេត្ត។
យោងតាមលិខិតក្រសួងមហាផ្ទៃដែលចេញផ្សាយកាលពីម្សិលមិញ លោក ស ខេង បានស្នើឲ្យអភិបាលនៃគណៈអភិបាលរាជធានី-ខេត្តទាំងអស់ ត្រូវសហការជាមួយឧត្តមក្រុមប្រឹក្សាពិគ្រោះ និងផ្តល់យោបល់ ដោយថា ដើម្បីឲ្យក្រុមការងារនេះអាចតាមដានដំណើរការអនុវត្តច្បាប់ និងផ្តល់អនុសាសន៍កែលម្អភាពអសកម្ម និងភាពមិនប្រក្រតី។
កាលពីថ្ងៃទី៦ ខែកញ្ញា ឆ្នាំ២០១៨ ព្រះមហាក្សត្រ ព្រះករុណា ព្រះបាទសម្តេចព្រះនរោត្តម សីហមុនី បានចេញព្រះរាជក្រឹត្យត្រាស់បង្គាប់តែងតាំង និងផ្តល់ឋានៈតាមសំណើរបស់ លោក នាយករដ្ឋមន្ត្រី ហ៊ុន សែន ជូនសមាសភាពឧត្តមក្រុមប្រឹក្សាពិគ្រោះ និងផ្តល់យោបល់ ចំនួន៣០រូប ដែលមានឋានៈស្មើទេសរដ្ឋមន្រ្តី និងរដ្ឋមន្រ្តី៕