អន្តរជាតិ

យន្តហោះអេត្យូពីមួយគ្រឿងធ្លាក់ វាសនាមនុស្ស ១៤៩នាក់មិនទាន់ដឹងប្រាកដ

លោក ឌិត សុខធី
| ១០ មីនា ២០១៩
ម៉ោង ១៦:២២

នារីអាកាសចរណ៍នៃក្រុមហ៊ុន Ethiopian Airlines ធ្វើដំណើរចាកចេញពីយន្តហោះមួយគ្រឿង។ រូបថត៖ Ethiopian Airlines

សារព័ត៌មានអារ៉ាប់បានចុះផ្សាយថា យន្តហោះមួយគ្រឿងរបស់ក្រុមហ៊ុនអាកាសចរណ៍អេត្យូពី បានធ្លាក់នៅថ្ងៃនេះ អំឡុងពេលហោះហើរទៅកាន់ប្រទេសកេនយ៉ា។

សារព័ត៌មានអាល់ហ្សាហ្ស៊ីរ៉ា បានចុះផ្សាយបែបនេះ ផ្អែកតាមសេចក្ដីប្រកាសព័ត៌មានរបស់ក្រុមហ៊ុនអាកាសចរណ៍អេត្យូពី។

សារព័ត៌មានដដែលនេះ បានចុះផ្សាយបន្តថា យន្តហោះ Boeing 737 មួយគ្រឿងរបស់ក្រុមហ៊ុនអាកាសចរណ៍អេត្យូពី ស្ថិតនៅលើផ្លូវហោះហើរពីទីក្រុង Addis Ababa ទៅកាន់ទីក្រុង Nairobi មុននឹងវាធ្លាក់ចុះ។

សេចក្ដីប្រកាសព័ត៌មានរបស់ក្រុមហ៊ុន បានឲ្យដឹងថា មានអ្នកដំណើរ ១៤៩នាក់ និងបុគ្គលិកបម្រើការលើយន្តហោះចំនួន ៨នាក់ នៅលើយន្តហោះនោះ។

តែយ៉ាងណា គ្មានសេចក្ដីរាយការណ៍អំពីចំនួនមនុស្សស្លាប់ ឬនៅរស់រានមានជីវិតនៅឡើយទេនាពេលនេះ ខណៈប្រតិបត្តិការស្វែងរកកំពុងដំណើរការនោះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។