លោកនាយករដ្ឋមន្ត្រី ហ៊ុន សែន បានសម្រេចអនុញ្ញាតឲ្យបង្កើតតំបន់ទេសចរណ៍កែច្នៃថ្មីៗ ដោយថា ដើម្បីជំរុញភាពទាក់ទាញភ្ញៀវទេសចរនៅក្នុងប្រទេសកម្ពុជា។
ក្នុងអនុក្រឹត្យចេញកាលពីថ្ងៃទី៧ ខែមីនានេះ លោកនាយករដ្ឋមន្ត្រី ហ៊ុន សែន បានសម្រេចអនុញ្ញាតឲ្យបង្កើតឲ្យមានតំបន់ទេសចរណ៍កែច្នៃថ្មី ដែលត្រូវបានកំណត់ថា «តំបន់ទេសចរណ៍ពិសិដ្ឋ»។
បើខ្លឹមសារចែងក្នុងអនុក្រឹត្យនោះ តំបន់ទេសចរណ៍ពិសិដ្ឋ សំដៅដល់តំបន់ដែលមានសក្កានុពលសម្រាប់បម្រើឲ្យឧស្សាហកម្មទេសចរណ៍ ដែលប្រមូលផ្ដុំទៅដោយសេវាកម្មទេសចរណ៍ចម្រុះបែប។
រដ្ឋាភិបាលកម្ពុជាបានកំណត់ថា ទាំងឯកជន និងរដ្ឋ សុទ្ធតែមានសិទ្ធិបង្កើតតំបន់ទេសចរណ៍ពិសិដ្ឋ ប៉ុន្តែ ស្ថិតក្រោមលក្ខខណ្ឌផ្សេងៗ ដូចជា ទំហំដី ផែនការអភិវឌ្ឍន៍ ហេដ្ឋារចនាសម្ព័ន្ធ សេវាកម្ម និងវិនិយោគិន។
ក្នុងអនុក្រឹត្យដដែលនេះ រដ្ឋាភិបាលបានផ្ដល់ការលើកទឹកចិត្តដល់វិនិយោគិនក្រៅស្រុកផងដែរ ដូចជា ផ្ដល់ការលើកលែងទិដ្ឋាការ និងការស្នាក់នៅរយៈពេលយូរ ព្រមទាំងទទួលបានកម្មសិទ្ធិលើតំបន់ទេសចរណ៍៕
