អ្នកនាំពាក្យគណបក្សប្រជាជនកម្ពុជា បានថ្លែងក្នុងបណ្ដាញទំនាក់ទំនងសង្គមតេឡេក្រាមកាលពីម្សិលមិញថា លទ្ធិប្រជាធិបតេយ្យនៅប្រទេសកម្ពុជាកំពុងតែរីកស្គុះស្គាយនៅលើទីលាននយោបាយ។
ការថ្លែងរបស់អ្នកនាំពាក្យបក្សកាន់អំណាច លោក សុខ ឥសាន ធ្វើឡើងស្របពេលដែលអតីតមន្រ្តីជាន់ខ្ពស់គណបក្សសង្រ្គោះជាតិមួយចំនួន បានដាក់ពាក្យសុំសិទ្ធិធ្វើនយោបាយឡើងវិញ។
លោក សុខ ឥសាន ថាការដាក់ពាក្យស្នេីសុំនីតិសម្បទាធ្វេីនយោបាយឡេីងវិញរបស់អតីតមន្រ្តីបក្សប្រឆាំង គឺធ្វើឡើងស្របតាមសិទ្ធិនយោបាយ និងសិទ្ធិពលរដ្ឋដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា។
លោក បន្តថា៖ «ការទទួលបាននូវនីតិសម្បទាធ្វេីនយោបាយឡេីងវិញរបស់ឥស្សរជនទាំងឡាយនោះ ឆ្លុះបញ្ចាំងពីលទ្ធិប្រជាធិបតេយ្យនៅកម្ពុជាកំពុងរីកស្គុះស្គាយនៅលេីទីលាននយោបាយនៃព្រះរាជាណាចក្រកម្ពុជាដែលមិនអាចជនណាមករារាំងបានជាដាច់ខាត។»
គិតមកត្រឹមថ្ងៃនេះ អតីតមន្រ្តីគណបក្សសង្រ្គោះជាតិចំនួន៩រូប បានដាក់ពាក្យសុំសិទ្ធិធ្វើនយោបាយ ដែលក្នុងនោះ៤រូបត្រូវបានប្រមុខចេញប្រមុខរដ្ឋចេញព្រះរាជក្រឹត្យផ្តល់នីតិសម្បទានយោបាយឡើងវិញរួចហើយ៕