រដ្ឋាភិបាលដាក់គេហទំព័រតាមដាន និងស្វែងយល់អំពីករណីឆ្លងជំងឺកូវីដ១៩ នៅក្នុងប្រទេស ឱ្យពលរដ្ឋតាមដាន។
គេហទំព័រ covid19-map.cdcmoh.gov.kh ត្រូវបានរដ្ឋាភិបាលដាក់ឱ្យពលរដ្ឋចូលទៅមើលបានពីសភាពជំងឺកូវីត១៩ ដែលរកឃើញក្នុងប្រទេស។ គេហទំព័រនេះក៏មានបង្ហាញពីទិន្នន័យជាផែនទី បច្ចុប្បន្នភាពករណីឆ្លងជំងឺ ករណីអ្នកផ្ទុកជំងឺ អ្នកជាសះស្បើយ អ្នកស្លាប់ និងសារអប់រំពីជំងឺកូវីត១៩ផងដែរ។
ការដាក់ឱ្យប្រើប្រាស់គេហទំព័រនេះ គឺបន្ទាប់ពីប្រទេសកម្ពុជារកឃើញអ្នកផ្ទុកជំងឺកូវីត១៩ ជាបន្តបន្ទាប់ ខណៈពេលដែលរដ្ឋបង្កើនវិធានការអប់រំ និងការពារប្រជាពលរដ្ឋ។
ថ្លែងនៅព្រឹកថ្ងៃ២៤ ខែមីនានេះ លោកនាយករដ្ឋមន្ត្រី ហ៊ុន សែន បានថ្លែងថា កម្ពុជាបានរកឃើញអ្នកផ្ទុកជំងឺcovid-19 ចំនួន ២នាក់បន្ថែមទៀត ដែលធ្វើឱ្យចំនួនអ្នកផ្ទុកត្រូវបានរកឃើញមាន ៩៣ករណី ក្នុងនោះមានជនជាតិខ្មែរ ៣៥នាក់៕