មេដឹកនាំអង្គភាពប្រឆាំងអំពើពុករលួយ លោក ឱម យ៉ិនទៀង ត្រូវបានផ្ដល់គោរមងារកិត្តិយសពីព្រះមហាក្សត្រកម្ពុជាកាលពីសប្ដាហ៍កន្លងមកនេះ។
ក្នុងព្រះរាជក្រឹត្យចេញកាលពីថ្ងៃសៅរ៍សប្ដាហ៍មុន ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង ត្រូវបានព្រះមហាក្សត្រសម្ដេចព្រះបាទបរមនាថ នរោត្ដម សីហមុនី ព្រះរាជទានគោរមងារ«កិត្តិនីតិកោសលបណ្ឌិត»។
គោរមងារនេះត្រូវបានព្រះមហាក្សត្រសម្រេចព្រះរាជទានទៅដល់ប្រធានអង្គភាពប្រឆាំងអំពើពុករលួយ ទៅតាមការស្នើសុំពីលោកនាយករដ្ឋមន្ត្រី ហ៊ុន សែន។
លោក ឱម យ៉ិនទៀង ត្រូវបានរដ្ឋាភិបាលដឹកនាំដោយលោក ហ៊ុន សែន តែងតាំងជាប្រធានអង្គភាពប្រឆាំងអំពើពុករលួយចាប់តាំងពីខែឧសភា ឆ្នាំ២០១០មក៕
