កូវីដ-១៩, ព័ត៌មានជាតិ, សុខភាព

អ្នកជំងឺកូវីដ-១៩ចំនួន១២នាក់ទៀតបានស្លាប់ ខណៈអ្នកឆ្លងថ្មីជិត៦០០នាក់

លោក សេង ថៃ
| ១៤ សីហា ២០២១
ម៉ោង ១២:៣៤

ក្រុមអ្នកជំនាញសុខាភិបាលរៀបចំមឈូសដាក់សពអ្នកស្លាប់ដោយកូវីដ-១៩ កាលពីចុងខែកក្កដា ឆ្នាំ២០២១។ (ហ្វេសប៊ុក៖ មន្ទីរពេទ្យខេត្តកោះកុង)

ក្រសួងសុខាភិបាលបានប្រកាសនៅថ្ងៃសៅរ៍នេះថា អ្នកជំងឺកូវីដ-១៩ ចំនួន ១២ នាក់ទៀត បានស្លាប់ ដែលធ្វើឱ្យចំនួននេះកើនឡើងដល់ ១ ៦៦៦ នាក់ ខណៈអ្នកឆ្លងថ្មីមានចំនួន ៥៩៨ នាក់បន្ថែមទៀត។

ទោះជាយ៉ាងនេះក្តី ក្រសួងបានប្រកាសថា នៅថ្ងៃដដែលនោះ មានអ្នកជំងឺកូវីដ-១៩ ចំនួន ៦៨២ បានជាសះស្បើយ។

គិតត្រឹមថ្ងៃសៅរ៍ ទី១៤ ខែសីហា ឆ្នាំ២០២១ ចំនួនអ្នកឆ្លងជំងឺកូវីដ-១៩ នៅកម្ពុជា មានចំនួនសរុប ៨៤ ៨៦០ នាក់ ស្លាប់ ១ ៦៦៦ នាក់ ជាសះស្បើយចំនួន ៧៩ ៦៥៤ នាក់។ ក្នុងនោះករណីនាំចូលពីក្រៅប្រទេសមានចំនួនសរុប ១២ ៦៨៩ នាក់។

ដោយឡែកទាក់ទងនឹងការចាក់វ៉ាក់សាំងការពារជំងឺកូវីដ-១៩ គិតត្រឹមថ្ងៃទី១៣ ខែសីហា ឆ្នាំ២០២១ សម្រេចបាន ៨២,៦៨% ហើយ ធៀបជាមួយចំនួនប្រជាជនគោលដៅ ១០ លាននាក់។ ចំណែកការចាក់វ៉ាក់សាំងលើកុមារ-យុវវ័យ ដែលមានអាយុ ចាប់ពី ១២ ឆ្នាំ ទៅក្រោម ១៨ ឆ្នាំវិញ សម្រេចបាន ២៤,៥២% ធៀបជាមួយនឹងចំនួនកុមារ-យុវជនគោលដៅចំនួន ១ ៩៦៦ ៩៣១ នាក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។