ចំនួនអ្នកស្លាប់ដោយសារជំងឺកូវីដ-១៩ បានកើនឡើងជាង២ពាន់២រយនាក់ (២ ២១៨) គិតត្រឹមថ្ងៃទី២៥ ខែកញ្ញា ឆ្នាំ២០២១នេះ បន្ទាប់ពីអ្នកជំងឺកូវីដ-១៩ចំនួន២១នាក់ទៀតបានស្លាប់។
យោងតាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃសៅរ៍នេះបានឱ្យដឹងថា ក្រសួងក៏បានរកឃើញអ្នកឆ្លងជំងឺកូវីដ-១៩ ចំនួន ៨១៦ នាក់បន្ថែមទៀត ដែលធ្វើឱ្យចំនួនអ្នកឆ្លងជំងឺកូវីដ-១៩ នៅកម្ពុជាកើនឡើងដល់ ១០៨ ២៥៧ នាក់។ ក្នុងនោះករណីនាំចូលពីក្រៅប្រទេសមានចំនួន ១៨ ៥៤៧ នាក់។ នៅថ្ងៃដដែលនេះ ចំនួនអ្នកព្យាបាលជាសះស្បើយមានចំនួន ៥៥៤ នាក់។
ដោយឡែកទាក់ទងអត្រាកំណើនការចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២៤ ខែកញ្ញា ឆ្នាំ២០២១ សម្រេចបាន ៩៨,៧០% ធៀបជាមួយចំនួនប្រជាជនគោលដៅ ១០លាននាក់។ ចំណែកការចាក់វ៉ាក់សាំងលើកុមារ-យុវវ័យ ដែលមានអាយុចាប់ពី១២ឆ្នាំ ដល់ ១៧ឆ្នាំ សម្រេចបាន ៨៨,៨៧% ធៀបជាមួយចំនួនប្រជាជនគោលដៅ ១,៩៦៦,៩៣១ នាក់ និងលើកុមារអាយុពី ៦ឆ្នាំ ដល់ក្រោម ១២ឆ្នាំ មាន៧០,២១% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់៕