ក្រសួងសុខាភិបាលបានប្រកាសនៅថ្ងៃសៅរ៍នេះថា មនុស្ស៨នាក់ទៀតបានស្លាប់ដោយសារជំងឺកូវីដ-១៩ នៅថ្ងៃសុក្រម្សិលមិញ ខណៈមនុស្ស១០៦នាក់បានឆ្លងជំងឺកូវីដ-១៩។
ផ្អែកតាមសេចក្តីប្រកាសព័ត៌មានរបស់ក្រសួងសុខាភិបាល ក្នុងចំណោមមនុស្ស៨នាក់ដែលស្លាប់ដោយសារជំងឺកូវីដ-១៩នោះ ៥ នាក់មិនបានចាក់វ៉ាក់សាំងការពារជំងឺកូវីដ-១៩នោះទេ។ នៅថ្ងៃម្សិលមិញនេះ ក៏មានករណីអ្នកជាសះស្បើយ ២៣៤ នាក់។
គិតត្រឹមថ្ងៃសុក្រ ទី២៩ ខែតុលា ម្សិលមិញ កម្ពុជាមានអ្នកឆ្លងជំងឺកូវីដ-១៩សរុប ១១៨ ៤២៧ នាក់ ស្លាប់ ២៧៨១នាក់ និងព្យាបាលជាសះស្បើយសរុបចំនួន ១១៤ ៥៣៤ នាក់៕