សារព័ត៌មាន BBC បានចុះផ្សាយថា ប៉ូលិសអេស្ប៉ាញបានបាញ់សម្លាប់ជនសង្ស័យសំខាន់ម្នាក់ឈ្មោះ យូណេស អាប៊ូយ៉ាអាហ្កូប នៅក្នុងការវាយប្រហារនៅទីក្រុងបាសេឡូណាកាលពីថ្ងៃព្រហស្បតិ៍សប្ដាហ៍មុន។
សារព័ត៌មាននេះ បានចុះផ្សាយថា ជនសង្ស័យរូបនេះ ត្រូវបានគេជឿថា ជាអ្នកបើកបររថយន្តមួយគ្រឿង ដែលបានបើកបំបុកនៅក្នុងតាមដងផ្លូវនៅតំបន់ Las Ramblas ដោយបានសម្លាប់មនុស្ស ១៣នាក់ និងបណ្ដាលមនុស្សជាង ១០០នាក់ទៀតរងរបួស។
ប៉ូលិសអេស្ប៉ាញ បានអះអាងថា ជនសង្ស័យនោះ ត្រូវបានបាញ់សម្លាប់នៅចម្ងាយ ៤០គីឡូម៉ែត្រ នៅភាគខាងលិចនៃទីក្រុងបាសេឡូណា នៅជិតកន្លែងកែច្នៃកាក់សំណល់ ក្រោយពីការវាយប្រហារកើតឡើង។
ជនសង្ស័យ អាប៊ូយ៉ាអាហ្កូប ដែលបានពាក់ខ្សែក្រវ៉ាត់គ្រឿងផ្ទុះក្លែងក្លាយនោះ ត្រូវបានគេរាយការណ៍ថា បានស្រែកខ្លាំងៗថា “អាឡាហ៊ូ អាក់បារ”៕
