បុរសជាស្វាមីថា បាក់ដងស្ទូចនៅប៉ោយប៉ែតសម្លាប់ស្ត្រី៥នាក់កំពុងអង្គុយលេងបៀរ
នៅឯភូមិគីឡូម៉ែត្រលេខ៤ ស្ថិតក្នុងក្រុងប៉ោយប៉ែតជាប់ព្រំដែនកម្ពុជា-ថៃ កាលពីថ្ងៃម្សិលមិញនេះ ឧបករណ៍បំពងសំឡេងបានបន្លឺភ្លេងបុណ្យសពដែលអាចឱ្យគេស្ដាប់ឮពីចម្ងាយ។ នោះគឺជាពិធីបុណ្យសពដែលគ្រួសារជនរងគ្រោះ កំពុងរៀបចំសម្រាប់ជនរងគ្រោះ៣នាក់ ខណៈសពជនរងគ្រោះ២នាក់ទៀត ត្រូវបាននាំយកទៅរៀបចំធ្វើបុណ្យតាមប្រពៃណីនៅឯភូមិកំណើតរបស់ពួកគេស្ថិតនៅក្នុងសង្កាត់និម្មិតក្បែរនោះ និងនៅឯខេត្តកំពង់ចាម។