អំពើហិង្សាលើស្ត្រីជាផ្នែកមួយដែលលោកនាយករដ្ឋមន្ត្រី ហ៊ុន សែន លើកយកមកពិភាក្សាក្នុងកិច្ចប្រជុំនៅទីស្តីការគណៈរដ្ឋមន្ត្រី នាថ្ងៃសុក្រនេះ ជាអ្វីដែលលោកថា ដើម្បីបង្កើត«ផែនការសកម្មភាពជាតិទប់ស្កាត់អំពើហិង្សាលើស្ត្រី ២០១៩-២០២៣»។
គណៈកម្មាធិការសិទ្ធិមនុស្សកម្ពុជា ចាត់ទុកការវាយតម្លៃពីស្ថានភាពសិទ្ធិមនុស្សនៅកម្ពុជា ពីសំណាក់អង្គការសិទ្ធិមនុស្សមួយចំនួនថា មានភាពលម្អៀង គ្មានមូលដ្ឋានច្បាស់លាស់ និងមានគោលដៅវាយប្រហាររដ្ឋាភិបាល ដែលអាចនាំឱ្យមានគ្រោះថ្នាក់និងអស្ថិរភាពក្នុងសង្គម។
សកម្មជនព្រៃឈើខេត្តរតនគិរីមួយរូប បានស្នើទៅសាលាឧទ្ធរណ៍ខេត្តត្បូងឃ្មុំឲ្យទម្លាក់ចោលការចោទប្រកាន់ទៅលើរូបលោក និងផ្តល់យុត្តិធម៌សម្រាប់លោកផងដែរ ដោយលោកថា លោកមិនបានប្រព្រឹត្តដូចការចោទប្រកាន់ឡើយ។
ក្រុមអង្គការសង្គមស៊ីវិលធ្វើការផ្តោតលើការលើកកម្ពស់សិទ្ធិមនុស្ស និងសិទ្ធិការងារ បានស្នើទៅរដ្ឋមន្ត្រីក្រសួងមហាផ្ទៃ លោក ស ខេង ឱ្យបញ្ឈប់ប្រតិបត្តិការរបស់អាជ្ញាធរខណ្ឌមានជ័យ ដែលបានជូនដំណឹងពីការចុះធ្វើបច្ចុប្បន្នភាពស្រង់ស្ថិតិបុគ្គលិកខ្លួន ដោយហៅបេសកកម្មនោះថា រំលោភលើគោលការណ៍ច្បាប់។
មន្ត្រីនគរបាលរាជធានីភ្នំពេញ អះអាងថា សមត្ថកិច្ចបានសម្រេចដោះលែងវិញហើយនៅព្រឹកនេះនូវក្មេងប្រុសអាយុ ១៥ឆ្នាំដែលជាកូនរបស់សកម្មជនបក្សប្រឆាំងកំពុងជាប់ឃុំ បន្ទាប់ពីឃាត់ខ្លួនអស់រយៈពេល ៤៨ម៉ោង។
មនុស្ស៣នាក់ក្នុងចំណោម៥នាក់ ត្រូវបានសមត្ថកិច្ចខេត្តត្បូងឃ្មុំឃាត់ខ្លួនសួរនាំកាលពីថ្ងៃសៅរ៍សប្ដាហ៍មុន បន្ទាប់ពីពួកគេពាក់អាវដែលមានបោះពុម្ពសារ«អរគុណសន្តិភាព តែត្រូវមើលមាត្រា២ក្នុងរដ្ឋធម្មនុញ្ញ»នៅក្នុងហាងលក់កាហ្វេមួយកន្លែង។
ចាងហ្វាងបណ្តាញព័ត៌មានអនឡាញ TVFB ដែលត្រូវបានឃុំខ្លួននៅពន្ធនាគារដោយសារដកស្រង់សម្តីលោកនាយករដ្ឋមន្រ្តី ហ៊ុន សែន ទទួលបានសេរីភាពឡើងវិញនៅថ្ងៃចន្ទនេះ បន្ទាប់ពីសាលាដំបូងរាជធានីភ្នំពេញសម្រេចប្រកាសសាលក្រមផ្តន្ទាទោសលោកឱ្យជាប់ពន្ធនាគាររយៈ ពេល១៨ខែ ហើយទោសសល់ពីនោះ ត្រូវបានព្យួរ។
មេធាវីការពារក្តីឱ្យអតីតគណបក្សប្រឆាំង លោក សំ សុគង់ និយាយថា ក្មេងប្រុសអាយុ១៥ឆ្នាំម្នាក់ដែលជាកូនប្រុសបង្កើតរបស់អតីតសកម្មជនបក្សប្រឆាំង ត្រូវសមត្ថកិច្ចរាជធានីភ្នំពេញចាប់ខ្លួនកាលពីម្សិលមិញ ក្រោយកុមារនោះចូលក្នុងស្នាក់ការគណបក្សសង្គ្រោះជាតិនៅសង្កាត់ចាក់អង្រែលើ រាជធានីភ្នំពេញ ដែលតុលាការបង្គាប់ឱ្យបិទទ្វារ។
ក្រុមមេធាវីការពារក្ដីឱ្យលោក កឹម សុខា បានស្នើទៅតុលាការបើកឡើងវិញនូវសវនាការជម្រះក្ដីសំណុំរឿង«ក្បត់ជាតិ»ដែលត្រូវបានចោទប្រកាន់ទៅលើមេដឹកនាំបក្សប្រឆាំងរូបនេះ។
សកម្មជនការពារសិទ្ធិមនុស្ស ព្រះតេជគុណ លួន សុវ៉ាត ដែលបានគេចព្រះកាយពីប្រទេសកម្ពុជា ក្រោយរងបណ្ដឹងរំលោភសេពសន្ថវៈដ៏ចម្រូងចម្រាសនោះ ត្រូវបានអនុញ្ញាតឱ្យថ្លែងនៅកិច្ចប្រជុំនៅក្រុមប្រឹក្សាសិទ្ធិមនុស្សអង្គការសហប្រជាជាតិ ប៉ុន្តែតំណាងរដ្ឋាភិបាលកម្ពុជាបានថ្លែងជំទាស់រហូតដល់ទៅ៣លើក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
