មន្ទីរបរិស្ថានខេត្តពោធិ៍សាត់ បានបញ្ជាឱ្យប្រជាពលរដ្ឋប្រមាណ ៥០០នាក់ចាកចេញពីតំបន់ដែនជម្រកសត្វព្រៃភ្នំសំកុស បន្ទាប់ពីជំនាញរកឃើញថា ពួកគាត់ទាំងនោះបានចូលមកកាប់ទន្រ្ទានយកដីតំបន់ការពារធម្មជាតិដោយខុសច្បាប់ ខណៈមានមេខ្លោងបានបំផុសបំផុលមិនឱ្យពលរដ្ឋចាកចេញពីតំបន់ការពារនោះថែមទៀតផង។
សកម្មជនបរិស្ថាន និងអ្នកការពារសិទ្ធិមនុស្ស លើកឡើងថា ការអំពាវនាវរបស់លោក ហ៊ុន សែន ឱ្យពលរដ្ឋចូលរួមការពារធនធានព្រៃឈើ គឺធ្វើឡើងដោយខុសគោលដៅ និងគ្មានប្រសិទ្ធភាពក្នុងការទប់ស្កាត់ធនធានព្រៃឈើនៅកម្ពុជា ដែលពួកគេថា កំពុងបន្តបាត់បង់។
រដ្ឋាភិបាលកម្ពុជាបានចេញសេចក្ដីបំភ្លឺមួយកាលពីថ្ងៃម្សិលមិញនេះ ដោយបង្ហាញការសោកស្ដាយចំពោះការផ្សព្វផ្សាយឡើងវិញនូវទិន្នន័យមួយដែលនិយាយថា “ព្រៃឈើកម្ពុជាកំពុងបាត់បង់”។ កាលពីថ្ងៃទី១០ ខែមករានេះ របាយការណ៍របស់អង្គការណាសាអាមេរិក បានបង្ហាញថា ប្រទេសកម្ពុជាឈានមុខគេខាងកាប់បំផ្លាញព្រៃឈើធម្មជាតិ និងព្រៃស្ថិតក្នុងតំបន់ការពារ ដោយសារតែការទន្ទ្រានយកដីរបស់ក្រុមហ៊ុន សម្រាប់ដាំដំណាំកៅស៊ូ និងការកាប់ឈើខុសច្បាប់។
សកម្មជនការពារព្រៃឈើក្នុងខេត្តឧត្តមានជ័យអះអាងថា ពួកគេត្រូវទាហានកងពលលេខ៤២ប្រចាំខេត្តឧត្តមានជ័យគំរាមបាញ់ពេលចុះទប់ស្កាត់បទល្មើសព្រៃឈើក្នុងសហគមន៍ តែទាហានក្នុងខេត្តនេះបដិសេធការចោទប្រកាន់។
មន្រ្តីក្រសួងបរិស្ថានអះអាងថាការតាក់តែងក្រមបរិស្ថានគឺដើម្បីជួយទប់ស្កាត់ការកាប់បំផ្លាញព្រៃឈើដែលកន្លងទៅនេះមានក្រសួងច្រើនពេកជាអ្នកទទួលទទួលខុសត្រូវ។
រដ្ឋាភិបាលប្រកាសឲ្យទុកតំបន់ព្រៃយ៉ាងតិចចំនួន៥កន្លែងទៀត នៅតាមបណ្តាខេត្តមួយចំនួន ទុកជាតំបន់អភិរក្ស បន្ទាប់ពីរកឃើញថា បទល្មើសព្រៃឈើនូវតែបន្តកើតមាន។
នៅសប្តាហ៍នេះ នាយករដ្ឋមន្ត្រីបានប្រកាសឲ្យទៅក្រសួងអប់រំយុវជន និងកីឡា ប្រើប្រាស់ឈើប្រមាណជា៤ម៉ឺនម៉ែតគូបសម្រាប់ជាប្រយោជន៍សាធារណៈ ដែលរដ្ឋាភិបាលថា ឈើទាំងនោះរឹបអូសបានពីបទល្មើសព្រៃឈើ តាមរយៈការចុះបង្ក្រាប គណៈកម្មការពិសេសរបស់ខ្លួនដែលបានបង្កើតឡើងកាលពីពាក់កណ្តាលខែមករាឆ្នាំ២០១៦។
មន្ត្រីកងរាជអាវុធហត្ថខេត្តពោធិ៍សាត់ឲ្យដឹងថាមានករណីភ្លើងឆេះព្រៃក្នុងបរិវេណរដ្ឋបាលព្រៃឈើភ្នំក្រវាញ ខេត្តពោធិ៍សាត់ កាលពីរសៀលថ្ងៃទី១៣ ខែមីនា ឆ្នាំ២០១៦ បណ្តាលឲ្យខូចខាតរថយន្តចំនួន២៧គ្រឿង។ មេបញ្ជាការកងរាជអាវុធហត្ថខេត្តពោធិ៍សាត់ លោក ខេង ទីតូ ប្រាប់វីអូឌី(VOD)នៅព្រឹកថ្ងៃចន្ទនេះថា ហេតុការណ៍នេះកើតឡើងនៅក្នុងភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់។ លោកថារថយន្តដែលខូចខាតនោះជារថយន្តដែលរដ្ឋបាលព្រៃឈើឃាត់ពីជនល្មើសព្រៃឈើនិងយកមករក្សាទុកនៅរដ្ឋបាលព្រៃឈើ ដើម្បីរៀបចំសំណុំរឿងទៅតុលាការ។ លោកឲ្យដឹងដែរថាក្នុងហេតុការណ៍ភ្លើងឆេះព្រៃនេះមិនបានបង្កគ្រោះថ្នាក់ដល់អ្នកណាម្នាក់នោះទេ។ លោកថាហេតុការណ៍នេះកើតឡើងដោយសារតែមានភ្លើងឆេះព្រៃនិងរាលដាលដល់បរិវេណរបស់រដ្ឋបាលព្រៃឈើ ដែលលោកថាបណ្តាលឲ្យឆេះរថយន្តទាំងនោះ។ មន្រ្តីអាដហុកប្រចាំខេត្តពោធិ៍សាត់ លោក ភួង សុធា មានប្រសាសន៍ថារដ្ឋបាលព្រៃឈើបែបនេះ មិនអាចនឹងងាយឆេះ រហូតដល់ទប់ស្កាត់មិនបាននោះទេ។ លោកបន្តសមាគមអាដហុកនឹងបន្តស៊ើបពីករណីនេះបន្ថែមទៀត។ វីអូឌីមិនទាន់អាចទាក់ទងរដ្ឋបាលព្រៃឈើខេត្តពោធិ៍សាត់បាននៅឡើយទេ៕
មន្រ្តីដឹកនាំចុះបង្រ្កាបបទល្មើសព្រៃឈើឲ្យដឹងថាក្រុមការងារជំនាញបានបញ្ជូនសំណុំរឿងទៅតុលាការ ទាក់ទងនឹងភាពមិនប្រក្រតីនៃការស្តុកទុកឈើរបស់ក្រុមហ៊ុនចំនួន៤ ដោយមន្រ្តីអះអាងថាព្រះរាជអាជ្ញានឹងស៊ើបអង្កេតករណីទាំងនេះជាបន្តទៀត។ អ្នកនាំពាក្យកងរាជអាវុធហត្ថលើផ្ទៃប្រទេសដែលកំពុងចុះបង្រ្កាបបទល្មើសព្រៃឈើ ប្រាប់វីអូឌី(VOD)នៅថ្ងៃពុធនេះថាកាលពីថ្ងៃអង្គារ គណៈកម្មការជាតិចុះបង្រ្កាបបទល្មើសព្រៃឈើបានចំណាយរយៈពេលមួយថ្ងៃរហូតដល់យប់ ចុះត្រួតពិនិត្យទីតាំងក្នុងភូមិសាស្ត្រខេត្តមណ្ឌលគិរីទៅលើក្រុមហ៊ុនចំនួន៤ គឺក្រុមហ៊ុនយូនីគ្រីន ក្រុមហ៊ុនម៉ាស្ទឺរខេសាន់ ក្រុមហ៊ុនដាយថាន់ និងក្រុមហ៊ុនកសិកម្មខ្មែរអង្គរ។
បណ្តុំអង្គការដែលធ្វើការលើព្រៃឈើនិងបណ្តាញជនជាតិដើមភាគតិចសរុបប្រមាណ៣០អង្គការបានជំរុញរដ្ឋាភិបាលបង្ហាញពីលទ្ធផលនៃការបង្ក្រាបនិងទប់ស្កាត់បទល្មើសព្រៃឈើដល់សាធារណជនឲ្យបានដឹង។ ក្នុងសេចក្តីថ្លែងការណ៍រួមដែលបានចេញនៅថ្ងៃពុធនេះ បណ្តាញជនជាតិដើមភាគតិចនិងព្រៃឈើចំនួន២៧ បានសាទរចំពោះចំណាត់ការរបស់រដ្ឋាភិបាលក្នុងការទប់ស្កាត់និងបង្ក្រាបបទល្មើសព្រៃឈើនាំចេញទៅប្រទេសវៀតណាម។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះបានបញ្ជាជាថ្មីឲ្យមន្រ្តីពាក់ព័ន្ធដែលចូលរួមបង្រ្កាបការកាប់បំផ្លាញព្រៃឈើ ឲ្យធ្វើការងាររបស់ខ្លួន ដោយលោកដាក់ការសង្ស័យថាការមិនបង្រ្កាបអាចមកពីមន្រ្តីទាំងនោះចូលដៃជាមួយឈ្មួញដឹកឈើ។ក្នុងពិធីសម្ពោធអគារថ្មីរបស់ក្រសួងបរិស្ថាន លោក ហ៊ុន សែន បានថ្លែងបន្ទោសទៅភាគីពាក់ព័ន្ធ ដោយថាមិនបានយកភ្នែកមើលករណីដឹកឈើតាមរថយន្ត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
