មន្ត្រីជាន់ខ្ពស់នៃក្រសួងសុខាភិបាលកម្ពុជា ថ្លែងថា ក្រសួងនៅមិនទាន់មានជាវិធានការថ្មីដើម្បីឆ្លើយតបទៅនឹងការរកឃើញវីរុសបំប្លែងថ្មី «អូមីក្រុង» នៅតាមបណ្ដាប្រទេសមួយចំនួនលើពិភពលោកនៅឡើយ ខណៈក្រសួងកំពុងបន្តតាមដានវាយតម្លៃទៅលើហានិភ័យនៃវីរុសនេះបន្ថែមទៀតជាមុនសិន។
កម្ពុជាបានរកឃើញករណីឆ្លងជំងឺកូវីដ-១៩ថ្មី ចំនួនជាង២០០នាក់បន្ថែមទៀត (យោងតាមលទ្ធផលបញ្ជាក់ដោយ PCR test) ខណៈអ្នកជំងឺជាង១០នាក់ទៀតបានស្លាប់ដោយជំងឺនេះ។
បុគ្គលិកបម្រើការងារនៅកាស៊ីណូអនឡាញមួយនៅខេត្តព្រះសីហនុ អះអាងថា បុគ្គលិកម្នាក់បានស្លាប់ និងជាង៤០០នាក់ផ្សេងទៀតត្រូវបានបង្ខាំងឱ្យធ្វើការងារទាំងមានជំងឺកូវីដ-១៩ ដោយគ្មានការយកចិត្តទុកដាក់ពីថៅកែនិងអាជ្ញាធរពាក់ព័ន្ធឡើយ។
អាជ្ញាធរខេត្តព្រះសីហនុ សម្រេចផ្អាកដំណើរការរោងចក្រចំនួន៣ ក្នុង«តំបន់សេដ្ឋកិច្ចពិសេសចេជាង» ជាបណ្ដោះអាសន្នរយៈពេល២សប្តាហ៍ បន្ទាប់ពីរកឃើញករណីឆ្លងក្នុងចំណោមបុគ្គលិកនិងកម្មករយ៉ាងហោចជាង១០០នាក់។
ក្រសួងការងារ និងបណ្ដុះបណ្ដាលវិជ្ជាជីវៈ បានណែនាំដល់ម្ចាស់រោងចក្រសហគ្រាសទាំងអស់ត្រូវធ្វើតេស្តរកវីរុសកូវីដ-១៩លើកម្មករទូទាំងប្រទេស ក្រោយពួកគេឈប់សម្រាកក្នុងពិធីបុណ្យភ្ជុំបិណ្ឌ ហើយត្រលប់ចូលធ្វើការងារវិញ។
កម្មករមួយចំនួនដែលបម្រើការងារនៅក្រុមហ៊ុន ផាត់ដាវ របស់វៀតណាមដែលវិនិយោគដាំដំណាំចេក ស្ថិតនៅស្រុកលំផាត់ ខេត្តរតនគិរី បានឱ្យដឹងថា ពួកគេជាង៤០នាក់បានឆ្លងជំងឺកូវីដ-១៩ ហើយគ្រូពេទ្យមិនទាន់ផ្តល់ថ្នាំឱ្យលេបឬការព្យាបាលណាមួយនោះទេ ក្រោយពីធ្វើតេស្តឃើញវិជ្ជមានរយៈពេល៥ថ្ងៃរួចទៅហើយ។
អាជ្ញាធរនិងមន្ត្រីសុខាភិបាលសហការជាមួយមន្ទីរធម្មការរាជធានីភ្នំពេញ បានចុះយកសំណាកព្រះសង្ឃនិងអ្នកស្នាក់នៅក្នុងវត្តប្រមាណ២ម៉ឺនអង្គ/នាក់ ដើម្បីតេស្តរកវីរុសកូវីដ-១៩ ក្រោយរកឃើញព្រះសង្ឃនិងអ្នកស្នាក់នៅវត្តមួយចំនួនឆ្លងជំងឺនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
